മഹിളാ കോണ്‍ഗ്രസ് ദേശീയ പ്രസിഡന്റും മുന്‍ എം.പിയുമായ സുഷ്മിത ദേവ് പാര്‍ട്ടിയില്‍ നിന്നും രാജിവച്ചു. കോണ്‍ഗ്രസ് പ്രസിഡന്റ് സോണിയാ ഗാന്ധിക്കെഴുതിയ കത്തിലാണ് സുഷ്മിത ദേവ് പാര്‍ട്ടിയില്‍ നിന്നും വിരമിക്കകയാണെന്ന കാര്യം വ്യക്തമാക്കിയത്.
ട്വിറ്റർ അക്കൗണ്ടിലെ വ്യക്തിഗത വിവരങ്ങള്‍ മുന്‍ കോണ്‍ഗ്രസ് നേതാവെന്ന് സുഷ്മിത ദേവ് തിരുത്തി. പാര്‍ട്ടിയുടെ ഔദ്യോഗിക വാട്സ് ആപ്പ് ഗ്രൂപ്പുകളില്‍ നിന്നും സുമിത ദേവ് ലെഫ്റ്റ് ആയതായും മാധ്യമങ്ങള്‍ റിപ്പോർട്ട് ചെയ്തു.
സോണിയാ ഗാന്ധിക്കെഴുതിയ കത്തില്‍ തന്റെ പൊതുജീവതത്തില്‍ ഒരു പുതിയ അധ്യായം തുടങ്ങുകയാണെന്ന് അവര്‍ പറഞ്ഞു. ഡല്‍ഹിയിലെ പീഡനത്തിനിരയായി മരണപ്പെട്ട പെണ്‍കുട്ടിയുടെ ഫോട്ടോ പോസ്റ്റ് ചെയ്തതിനെ തുടർന്ന് ഇവരുടെ ട്വീറ്റര്‍ അക്കൗണ്ടും ബ്ലോക്ക് ചെയ്തിരുന്നു.
അസം നിയമസഭാ തിരഞ്ഞെടുപ്പിലെ സീറ്റ് വിഭജനത്തിലുണ്ടായ അതൃപ്തിയാണ് രാജിവെപ്പിലേക്ക് നയിക്കാൻ കാരണമെന്നാണ് റിപ്പോര്‍ട്ട്.
Story highlight : Mahila Congress national president Sushmita Dev has left the party.
