Thrissur Pooram: Elephants Pass Fitness Tests, Festivities Begin

**തൃശ്ശൂർ◾:** തൃശ്ശൂർ പൂരത്തിന് മുന്നോടിയായി ആനകളുടെ ഫിറ്റ്നസ് പരിശോധന പൂർത്തിയായി. തെച്ചിക്കോട്ടുകാവ് രാമചന്ദ്രൻ, എറണാകുളം ശിവകുമാർ എന്നീ ആനകൾ ഫിറ്റ്നസ് പരിശോധനയിൽ വിജയിച്ചു. ചെമ്പൂക്കാവ് ഭഗവതിയുടെ തിടമ്പേറ്റുന്നത് രാമചന്ദ്രനായിരിക്കും. നെയ്തലക്കാവ് അമ്മയുടെ തിടമ്പേറ്റുന്നത് ശിവകുമാറായിരിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൂരത്തിൽ പങ്കെടുക്കുന്ന ആനകളുടെ അന്തിമ പട്ടിക നാളെ വൈകുന്നേരത്തോടെ പ്രസിദ്ധീകരിക്കും. തൃശൂർ പൂരവുമായി ബന്ധപ്പെട്ട് 93 ആനകളെയാണ് പരിശോധനയ്ക്ക് വിധേയമാക്കേണ്ടത്. കൊച്ചി ദേവസ്വം ബോർഡിൻറെ ശിവകുമാർ പൂര വിളംബരം നടത്തും.

മറ്റന്നാൾ രാവിലെ കണിമംഗലം ശാസ്താവിന്റെ വരവോടെ മുപ്പത് മണിക്കൂർ നീണ്ടുനിൽക്കുന്ന പൂരത്തിന് തുടക്കമാകും. തൃശൂർ പൂരത്തിന്റെ സാമ്പിൾ വെടിക്കെട്ട് ഇന്ന് നടക്കും. വൈകുന്നേരം ഏഴുമണിക്ക് തിരുവമ്പാടിയും തുടർന്ന് പാറമേക്കാവും സാമ്പിൾ വെടിക്കെട്ടിന് തിരിതെളിക്കും.

തിരുവമ്പാടി, പാറമേക്കാവ് ദേവസ്വങ്ങളുടെ ചമയപ്രദർശനങ്ങൾ ആരംഭിച്ചു. സ്പെഷ്യൽ കുടകൾ കൂടാതെ ആയിരത്തിനടുത്ത് കുടകൾ ഇത്തവണ പ്രദർശനത്തിനുണ്ട്. കേന്ദ്രമന്ത്രി സുരേഷ് ഗോപി, മന്ത്രിമാരായ കെ രാജൻ, ഡോ ആർ ബിന്ദു എന്നിവർ ചേർന്ന് ഇരുവിഭാഗങ്ങളുടെയും ചമയപ്രദർശനങ്ങൾ ഉദ്ഘാടനം ചെയ്തു.

ക്ഷേത്രം ആഗ്രശാലയിലാണ് പാറമേക്കാവിന്റെ ചമയപ്രദർശനം. കൗസ്തുഭം ഹാളിൽ തിരുവമ്പാടിയുടെ പ്രദർശനവും നടക്കുന്നു. വർണ്ണക്കുടകൾക്ക് പുറമെ നെറ്റിപട്ടം, വെൺചാമരം, ആലവട്ടം എന്നിവയും പ്രദർശനത്തിനുണ്ട്. സ്പെഷ്യൽ കുടകൾ ചമയത്തിൽ ഉൾപ്പെടുത്താറില്ല. ആയിരങ്ങൾ ഉദ്ഘാടനത്തിന് ശേഷം ചമയപ്രദർശനം ആസ്വദിക്കാൻ എത്തി. സ്ഥിരമായി പൂരങ്ങളുടെ താരമാണ് എറണാകുളം ശിവകുമാർ.

മംഗളൂരു ആൾക്കൂട്ട കൊലപാതകം: മാനസിക വെല്ലുവിളി നേരിടുന്നയാളായിരുന്നു അഷ്റഫ് എന്ന് സഹോദരൻ

Story Highlights: Thechikottukavu Ramachandran and Ernakulam Sivakumar passed their fitness tests for Thrissur Pooram, set to begin with Kanimangalam Sastha’s arrival.

തൃശൂർ പൂരം സാമ്പിൾ വെടിക്കെട്ട്: ഒരാൾക്ക് പരിക്ക്