Sreenath Bhasi, Shine Tom Chacko Appear Before Excise in Cannabis Case

**ആലപ്പുഴ◾:** ഹൈബ്രിഡ് കഞ്ചാവ് കേസിൽ നടൻ ശ്രീനാഥ് ഭാസിയും മോഡൽ സൗമ്യയും എക്സൈസ് ഓഫീസിൽ ഹാജരായി. തസ്ലീമയുമായി ലഹരി ഇടപാടുകൾ ഇല്ലെന്നും ആറ് മാസത്തെ പരിചയം മാത്രമാണെന്നും മോഡൽ സൗമ്യ മാധ്യമങ്ങളോട് വ്യക്തമാക്കി. തസ്ലീമ തന്റെ സുഹൃത്താണെന്നും സൗമ്യ കൂട്ടിച്ചേർത്തു. കേസിൽ ഷൈൻ ടോം ചാക്കോയും എക്സൈസ് ഓഫീസിൽ ഹാജരായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബെംഗളൂരുവിലെ ഡി അഡിക്ഷൻ സെന്ററിൽ ചികിത്സയിലായിരുന്ന ഷൈൻ ടോം ചാക്കോ വിമാനമാർഗം കൊച്ചിയിലെത്തി. ഒരു മണിക്കൂറിനുള്ളിൽ മടങ്ങിപ്പോകണമെന്ന് ഷൈൻ അന്വേഷണ ഉദ്യോഗസ്ഥരോട് ആവശ്യപ്പെട്ടു. ശ്രീനാഥ് ഭാസിയുടെയും ഷൈൻ ടോം ചാക്കോയുടെയും വാട്സ്ആപ്പ് ചാറ്റുകളും കോളുകളും പരിശോധിക്കുകയാണെന്ന് എക്സൈസ് അറിയിച്ചു. തസ്ലീമയുടെ ഫോണിൽ നിന്നും ശ്രീനാഥ് ഭാസിയുമായുള്ള ലഹരി ഇടപാട് സംബന്ധിച്ച വാട്സ്ആപ്പ് ചാറ്റുകൾ അന്വേഷണസംഘം കണ്ടെത്തിയിരുന്നു.

ഷൈൻ ടോം ചാക്കോയുമായുള്ള വാട്സ്ആപ്പ് കോളുകളാണ് പ്രധാനമായും കണ്ടെത്തിയത്. ഈ ചാറ്റുകളുടെയും കോളുകളുടെയും അടിസ്ഥാനത്തിൽ ഇരുവരെയും ചോദ്യം ചെയ്യുകയാണ്. കൊച്ചിയിൽ അറസ്റ്റിലായപ്പോൾ തസ്ലീമയെ അറിയാമെന്ന് ഷൈൻ പോലീസിനോട് പറഞ്ഞിരുന്നു. മോഡൽ സൗമ്യയുമായി തസ്ലീമയ്ക്ക് സാമ്പത്തിക ഇടപാടുകൾ ഉണ്ടെന്നും ഇത് ലഹരി ഇടപാടുമായി ബന്ധപ്പെട്ടതാണോ എന്ന് പരിശോധിക്കുകയാണെന്നും അന്വേഷണ ഉദ്യോഗസ്ഥർ പറഞ്ഞു.

തസ്ലീമയുടെ മൊഴിയുടെ അടിസ്ഥാനത്തിലാണ് ശ്രീനാഥ് ഭാസിയെയും ഷൈൻ ടോം ചാക്കോയെയും ചോദ്യം ചെയ്യുന്നത്. ശ്രീനാഥ് ഭാസിയും ഷൈൻ ടോം ചാക്കോയും താനൊപ്പം ലഹരി ഉപയോഗിച്ചിട്ടുണ്ടെന്ന് തസ്ലീമ എക്സൈസിന് മൊഴി നൽകിയിരുന്നു. കണ്ടെത്തിയ തെളിവുകളുടെ അടിസ്ഥാനത്തിൽ പ്രത്യേക ചോദ്യാവലി തയ്യാറാക്കിയാണ് ചോദ്യം ചെയ്യൽ. ബിഗ് ബോസ് താരം ജിന്റോയോട് നാളെ ചോദ്യം ചെയ്യലിന് ഹാജരാകാൻ എക്സൈസ് നിർദേശം നൽകി.

ചോദ്യപേപ്പർ ചോർച്ച: ഗ്രീൻവുഡ്സ് കോളജ് പ്രിൻസിപ്പൽ സസ്പെൻഡിൽ

ചോദ്യം ചെയ്യലിന് ശേഷം നടന്മാരെയും മറ്റുള്ളവരെയും കേസിൽ പ്രതി ചേർക്കണോ എന്ന കാര്യത്തിൽ അന്വേഷണ സംഘം തീരുമാനമെടുക്കും.

Story Highlights: Actors Sreenath Bhasi and Shine Tom Chacko appeared before the Excise office in Alappuzha in connection with a hybrid cannabis case.

ആലപ്പുഴ കഞ്ചാവ് കേസ്: മോഡൽ സൗമ്യയുടെ ചോദ്യം ചെയ്യൽ പൂർത്തിയായി