Two Arrested in Kundamangalam With 94 Grams of MDMA

കോഴിക്കോട്◾: കുന്ദമംഗലത്ത് മയക്കുമരുന്ന് വേട്ടയിൽ രണ്ട് യുവാക്കൾ പിടിയിലായി. 94 ഗ്രാം എംഡിഎംഎയുമായാണ് ആരാമ്പ്രം സ്വദേശി റിൻഷാദും പുല്ലാളൂർ സ്വദേശി മുഹമ്മദ് ഷാജിലും കുന്ദമംഗലം പോലീസിന്റെ പിടിയിലായത്. യുവാക്കളെയും വിദ്യാർത്ഥികളെയും ലക്ഷ്യം വെച്ച് മയക്കുമരുന്ന് വിൽപ്പന നടത്തുന്ന സംഘത്തിലെ പ്രധാനികളാണ് പിടിയിലായതെന്ന് പോലീസ് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇവർക്ക് എംഡിഎംഎ എത്തിച്ചു നൽകുന്നവരെ കണ്ടെത്താനുള്ള അന്വേഷണം പുരോഗമിക്കുകയാണ്. ഹൈബ്രിഡ് കഞ്ചാവ് കേസിൽ നേരത്തെ പിടിയിലായിട്ടുള്ള റിൻഷാദ് കുറച്ചുനാളുകളായി പോലീസിന്റെ നിരീക്ഷണത്തിലായിരുന്നു.

ആക്ടീവ സ്കൂട്ടറിൽ വിൽപ്പനയ്ക്കായി എത്തിച്ച 59 ഗ്രാം എംഡിഎംഎയാണ് റിൻഷാദിൽ നിന്ന് പിടികൂടിയത്. കാറിൽ വിൽപ്പനയ്ക്കായി എത്തിച്ച 35 ഗ്രാം എംഡിഎംഎയുമായി മുഹമ്മദ് ഷാജിലും പിടിയിലായി. കാരന്തൂരിലെ സ്വകാര്യ ലോഡ്ജിൽ നിന്ന് 220 ഗ്രാം എംഡിഎംഎയുമായി രണ്ടുപേരെ കഴിഞ്ഞ ദിവസം പിടികൂടിയിരുന്നു.

ഈ കേസുമായി ബന്ധപ്പെട്ട് മറ്റ് നാലുപേരെയും പിടികൂടിയിരുന്നു. ഇവരിൽ നിന്ന് ലഭിച്ച വിവരങ്ങളുടെ അടിസ്ഥാനത്തിൽ നടത്തിയ പരിശോധനയിലാണ് റിൻഷാദും മുഹമ്മദ് ഷാജിലും പിടിയിലായത്. ഡാൻസാഫിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു കഴിഞ്ഞ ദിവസത്തെ റെയ്ഡ്.

ആലപ്പുഴ ഹൈബ്രിഡ് കഞ്ചാവ് കേസ്: ഷൈൻ ടോം, ശ്രീനാഥ് ഭാസി എന്നിവർക്ക് നോട്ടീസ്

Story Highlights: Two individuals apprehended in Kundamangalam with 94 grams of MDMA during a drug raid.

കൊട്ടാരക്കരയിൽ എംഡിഎംഎയുമായി എസ്എഫ്ഐ നേതാവ് അറസ്റ്റിൽ