കേരള രാജ്യാന്തര ചലച്ചിത്രമേളയുടെ (ഐ.എഫ്.എഫ്.കെ) 29-ാമത് പതിപ്പിലേക്കുള്ള സിനിമകളുടെ എന്‍ട്രികൾ ക്ഷണിച്ചിരിക്കുകയാണ് ചലച്ചിത്ര അക്കാദമി. വിവിധ വിഭാഗങ്ങളിലായി പ്രദർശിപ്പിക്കുന്നതിനുള്ള ചിത്രങ്ങളെ തിരഞ്ഞെടുക്കുന്നതിനാണ് ഇത്.
2023 സെപ്റ്റംബർ ഒന്നിനും 2024 ആഗസ്റ്റ് 31നും ഇടയിൽ നിർമ്മാണം പൂർത്തിയായ സിനിമകളാണ് അന്താരാഷ്ട്ര മൽസര വിഭാഗം, ഇന്ത്യൻ സിനിമ നൗ, മലയാളം സിനിമ റ്റുഡേ എന്നീ വിഭാഗങ്ങളിൽ പരിഗണിക്കുക. iffk.in എന്ന വെബ്‌സൈറ്റ് വഴി ആഗസ്റ്റ് 9 രാവിലെ 10 മണി മുതൽ എന്‍ട്രികൾ സമർപ്പിക്കാം.
അപേക്ഷകൾ സ്വീകരിക്കുന്നതിന്റെ അവസാന തീയതി 2024 സെപ്റ്റംബർ 9 ആണ്. കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 29-ാമത് ഐ.എഫ്.എഫ്.കെ 2024 ഡിസംബർ 13 മുതൽ 20 വരെ തിരുവനന്തപുരത്ത് നടക്കും.
Story Highlights: Kerala International Film Festival (IFFK) invites entries for its 29th edition across various categories.
Image Credit: twentyfournews
