കണ്ണൂര്‍ : മട്ടന്നൂരില്‍ ടിപെര്‍ ലോറി നിയന്ത്രണം വിട്ടു മറിഞ്ഞു രണ്ടുപേർ മരിച്ചു.വാഹനത്തിൽ ഉണ്ടായിരുന്ന ലോറി ഡ്രൈവറും ലോഡിങ് തൊഴിലാളിയുമാണ് മരണപ്പെട്ടത്.
ഇന്ന് പുലര്‍ച്ചെ നാലരയോടെ മട്ടന്നൂര്‍ ഹാപ്പിവെഡിങിനു സമീപത്തുവെച്ചായിരുന്നു അപകടം.ഇരിട്ടിയിലെ ചെങ്കല്‍പ്പണയില്‍ നിന്നും വടകരഭാഗത്തേക്ക് ചെങ്കല്‍ലോഡുമായി പോകവെ നിയന്ത്രണം വിട്ട ലോറി മതിലിൽ ഇടിക്കുകയും തലകീഴായി മറിയുകയുമായിരുന്നു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
അപകടത്തിൽ ഡ്രൈവറായ ഇരിട്ടി വിളമന സ്വദേശി അരുണ്‍വിജയന്‍(38) ലോഡിങ് തൊഴിലാളിയായ രവീന്ദ്രന്‍(57) എന്നിവരാണ് മരിച്ചത്.മട്ടന്നൂര്‍ ഫയര്‍ഫോഴ്സും പൊലിസും നാട്ടുകാരും ചേര്‍ന്ന് മൃതദേഹങ്ങള്‍ പുറത്തെടുത്തു.ഇരുവരുടെയും മൃതദേഹം മട്ടന്നൂരിലെ സ്വകാര്യ ആശുപത്രി മോര്‍ച്ചറിയില്‍ സൂക്ഷിച്ചിരിക്കയാണ്.
Story highlight : 2 people died in a road accident at mattannur, Kannur.
