ത്രിപുരയിൽ പ്രളയ സാഹചര്യം രൂക്ഷമായി തുടരുന്നു. കനത്ത മഴയിൽ സംസ്ഥാനത്തിന്റെ താഴ്ന്ന പ്രദേശങ്ങളെല്ലാം ഇപ്പോഴും വെള്ളക്കെട്ടിലാണ്. പ്രളയക്കെടുതിയിൽ ഇതുവരെ 19 പേർക്കാണ് ജീവൻ നഷ്ടമായത്. ഇതിൽ മണ്ണിടിച്ചിലിൽ സ്ത്രീകളും കുട്ടികളുമടക്കം ഏഴു പേർ മരിച്ചു.
വിവിധ ജില്ലകളിലായി 450 ദുരിതാശ്വാസ ക്യാമ്പുകൾ തുറന്നിട്ടുണ്ട്. റിപ്പോർട്ടുകൾ പ്രകാരം ഏകദേശം 65,000 ആളുകൾ ഈ ക്യാമ്പുകളിൽ അഭയം തേടിയിട്ടുണ്ട്. സ്ഥിതിഗതികളുടെ ഗൗരവം കണക്കിലെടുത്ത് വിദ്യാഭ്യാസ സ്ഥാപനങ്ങൾക്ക് ഇന്നും അവധി പ്രഖ്യാപിച്ചു. അഗർത്തലയിൽ നിന്നുള്ള എല്ലാ ട്രെയിൻ സർവീസുകളും മാറ്റിവച്ചിരിക്കുകയാണ്.
കേന്ദ്ര മന്ത്രി അമിത് ഷാ മുഖ്യമന്ത്രി മാണിക് സാഹിയുമായി സംസാരിച്ച് സ്ഥിതിഗതികൾ വിലയിരുത്തി. അതേസമയം, ഉത്തരാഖണ്ഡിലെ രുദ്രപ്രയാഗിൽ ഉണ്ടായ മണ്ണിടിച്ചിലിൽ നാലു നേപ്പാൾ സ്വദേശികൾ മരിച്ചു. ഇന്ന് പുലർച്ചയോടെയാണ് ഈ മണ്ണിടിച്ചിൽ സംഭവിച്ചത്.
Story Highlights: 19 dead and 17 lakh people affected as floods continue to ravage Tripura
