Wayanad Landslide: 147 Bodies Recovered from Chaliyar River

വയനാട് ഉരുൾപൊട്ടലിന്റെ ഭീകരതയിൽ ചാലിയാർ പുഴ കണ്ണീരൊഴുക്കുകയാണ്. ഇതുവരെ 147 മൃതദേഹങ്ങളാണ് പുഴയിൽ നിന്ന് കണ്ടെത്തിയത്. അപകടസ്ഥലത്ത് നിന്ന് 40 കിലോമീറ്റർ വരെ മനുഷ്യശരീരങ്ങൾ ഒഴുകിയെത്തിയതായി റിപ്പോർട്ടുകൾ സൂചിപ്പിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്ന് മാത്രം 9 മൃതദേഹങ്ങൾ കൂടി ചാലിയാർ പുഴയിൽ നിന്ന് കണ്ടെത്തി. നിലമ്പൂർ പൂക്കോട്ടുമണ്ണ, കുമ്പളപ്പാറ, ഓടായിക്കൽ, കളത്തിൻ കടവ് എന്നിവിടങ്ങളിലാണ് ഇവ കണ്ടെത്തിയത്. മൂന്ന് ദിവസത്തെ തിരച്ചിലിൽ 58 മൃതദേഹങ്ങളും 89 ശരീരഭാഗങ്ങളുമാണ് പുഴയിൽ നിന്ന് ലഭിച്ചത്.

32 പുരുഷന്മാർ, 23 സ്ത്രീകൾ, 2 ആൺകുട്ടികൾ, 1 പെൺകുട്ടി എന്നിങ്ങനെയാണ് കണ്ടെത്തിയ 58 ശരീരങ്ങളുടെ വിവരം. 146 മൃതദേഹങ്ങളുടെ പോസ്റ്റ്മോർട്ടം പൂർത്തിയാക്കി വയനാട്ടിലേക്ക് കൊണ്ടുപോയി. നിലമ്പൂർ ജില്ലാ ആശുപത്രിയിലുള്ള ഒരു മൃതദേഹഭാഗം മൃഗത്തിന്റേതാണെന്ന് പ്രാഥമിക പരിശോധനയിൽ സംശയമുണ്ടെങ്കിലും ഡിഎൻഎ പരിശോധനയിലൂടെ മാത്രമേ ഇക്കാര്യം സ്ഥിരീകരിക്കാനാകൂ.

മെഡിക്കൽ കോളേജിലെ അനാസ്ഥ: ആൻജിയോഗ്രാം ലിസ്റ്റിൽ നിന്ന് ഒഴിവാക്കിയെന്ന് വേണുവിന്റെ ശബ്ദസന്ദേശം

ചാലിയാർ പുഴയുടെ എല്ലാ തീരങ്ങളിലും, തമിഴ്നാടിന്റെ ഭാഗമായ ഉൾവനത്തിൽ അടക്കം, ഇന്നും തിരച്ചിൽ തുടരുകയാണ്. കണ്ടെത്തുന്ന മൃതദേഹങ്ങൾ കിലോമീറ്ററുകളോളം ചുമന്നാണ് കരയിലേക്ക് എത്തിക്കുന്നത്.

Story Highlights: 147 dead bodies recovered from Chaliyar River after Wayanad landslide Image Credit: twentyfournews

ശബരിമലയിൽ തീർത്ഥാടന ഒരുക്കങ്ങൾ എങ്ങുമെത്തിയില്ല; അടിസ്ഥാന സൗകര്യങ്ങൾ പോലുമില്ലെന്ന് പരാതി