Missing girl from Thiruvananthapuram spotted in Nagercoil

തിരുവനന്തപുരത്ത് നിന്ന് കാണാതായ പെൺകുട്ടി നാഗർകോവിൽ റെയിൽവേ സ്റ്റേഷനിൽ എത്തിയതായി കണ്ടെത്തി. സ്റ്റേഷനിലെ സിസിടിവി ദൃശ്യങ്ങളിൽ പെൺകുട്ടിയെ കാണാൻ സാധിച്ചതായി പൊലീസ് സ്ഥിരീകരിച്ചു. എന്നാൽ, പെൺകുട്ടി പ്ലാറ്റ്ഫോമിൽ മാത്രമാണ് ഇറങ്ങിയതെന്നും റെയിൽവേ സ്റ്റേഷന് പുറത്തേക്ക് പോയിട്ടില്ലെന്നും അന്വേഷണ ഉദ്യോഗസ്ഥർ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്നലെ വൈകിട്ട് 3. 30ന് പെൺകുട്ടി പ്ലാറ്റ്ഫോമിൽ ഇറങ്ങിയതായി കണ്ടെത്തി. കുപ്പിയിൽ വെള്ളമെടുത്ത ശേഷം പെൺകുട്ടി ട്രെയിനിൽ തിരികെ കയറുകയായിരുന്നു.

തുടർന്ന് കന്യാകുമാരിയിലേക്ക് യാത്ര തുടർന്നതായി പൊലീസ് ഉദ്യോഗസ്ഥർ അറിയിച്ചു. ഇതിനെ തുടർന്ന് കന്യാകുമാരിയിൽ വീണ്ടും തിരച്ചിൽ നടത്തുമെന്ന് അധികൃതർ വ്യക്തമാക്കി. കന്യാകുമാരിയിലെ തെരച്ചിൽ സാധ്യത പൂർണമായി തള്ളാതെയാണ് കഴക്കൂട്ടം പൊലീസിന്റെ നീക്കം.

കന്യാകുമാരിയിൽ എത്തി സിസിടിവി ഇല്ലാത്ത വഴിയിലൂടെ പെൺകുട്ടിക്ക് കടന്നു പോകാനുള്ള സാധ്യത നിലനിൽക്കുന്നുണ്ടെന്ന് പൊലീസ് പറയുന്നു. എന്നാൽ, ഇതുവരെ അത്തരം സൂചനകളോ ദൃശ്യങ്ങളോ വിവരങ്ങളോ ലഭിച്ചിട്ടില്ലെന്നും, അതിനുള്ള ശ്രമം തുടരുമെന്നും പൊലീസ് അറിയിച്ചു.

വെളിച്ചം കുറഞ്ഞു: മുഖ്യമന്ത്രി വേദി വിട്ടെന്ന വാർത്ത വ്യാജമെന്ന് സംഘാടകർ

Story Highlights: 13-year-old girl missing from Thiruvananthapuram spotted in Nagercoil railway station

കഞ്ചാവ് പിടികൂടുന്നതിനിടെ പൊലീസുകാരന് കുത്തേറ്റു