ChatGPT's Voice Mode Raises Concerns Over Emotional Bonds

ടെക് ലോകത്തെ പലരും ഇപ്പോൾ എന്തിനും ഏതിനും ചാറ്റ് ജിപിടിയെ ആശ്രയിക്കുന്നു. എന്നാൽ, ഓപ്പൺ എഐ നിർമ്മിച്ച ചാറ്റ് ജിപിടിയുമായി ഉപയോക്താക്കൾക്ക് വൈകാരിക ബന്ധമുണ്ടാകുമോ എന്ന ആശങ്ക നിർമാതാക്കൾ തന്നെ പങ്കുവച്ചിരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ ആഴ്ച അവതരിപ്പിച്ച വോയിസ് മോഡ് എന്ന സംവിധാനമാണ് ഈ ആശങ്കയ്ക്ക് കാരണം. പെയ്ഡ് യൂസേഴ്സിനായി അവതരിപ്പിച്ച ഈ ഫീച്ചർ മനുഷ്യനെ പോലെ സംസാരിക്കാൻ കഴിവുള്ള എഐ വോയ്സ് മോഡാണ്.

മനുഷ്യരെ പോലെ തന്നെ സംസാരത്തിനിടെ മൂളുന്നത് പോലെയുള്ള ശബ്ദങ്ങളുണ്ടാക്കാനും, ഉപഭോക്താവിന്റെ ശബ്ദം തിരിച്ചറിഞ്ഞ് വൈകാരികതയ്ക്കനുസരിച്ച് മറുപടി നൽകാനും ഈ എഐക്ക് കഴിയും. ഫോൺ കോൾ പോലെ തന്നെ ചാറ്റ് ജിപിടി സംസാരിക്കുന്നതിനിടയിൽ ഉപയോക്താവിന് സംസാരിക്കാനും കഴിയും.

ഇത്തരം സവിശേഷതകൾ മനുഷ്യർ ചാറ്റ് ജിപിടിയുമായി വൈകാരിക ബന്ധത്തിലെത്താൻ സാധ്യതയുണ്ടെന്ന് നിർമാതാക്കൾ കരുതുന്നു. എഐയുമായി വൈകാരിക ബന്ധം സ്ഥാപിക്കുന്നതിലൂടെ മനുഷ്യരുടെ സമൂഹവുമായുള്ള ബന്ധവും മറ്റ് മനുഷ്യരുമായുള്ള ഇടപെടലും കുറയാൻ സാധ്യതയുണ്ടെന്നും നിർമാതാക്കൾ മുന്നറിയിപ്പ് നൽകുന്നു.

നിർമ്മിത ബുദ്ധി ലോക ജനസംഖ്യ കുറയ്ക്കുമെന്ന് വിദഗ്ധൻ്റെ പ്രവചനം

മനുഷ്യനെ പോലെ സംസാരിക്കുന്ന എഐയിലൂടെ വിവരങ്ങൾ ലഭിക്കുമ്പോൾ അതിൽ കൂടുതൽ വിശ്വസിക്കാനുള്ള സാധ്യതയും ഉണ്ടെന്ന് അവർ ചൂണ്ടിക്കാട്ടുന്നു. ഇത്തരം സാങ്കേതിക വിദ്യകളുടെ ഉപയോഗം സമൂഹത്തിൽ എത്രത്തോളം സ്വാധീനം ചെലുത്തുമെന്നത് വരും നാളുകളിൽ കാണേണ്ടിയിരിക്കുന്നു.

Story Highlights: OpenAI expresses concerns over potential emotional bonds with ChatGPT’s new voice mode feature

എഐ ജീവനക്കാർക്ക് പകരമാവില്ല; സുന്ദർ പിച്ചൈയുടെ വാക്കുകൾ ശ്രദ്ധേയമാകുന്നു