Budget 2024: Middle Class Anger Grows Over Tax Changes

കേന്ദ്ര ബജറ്റ് അവതരണത്തിന് പിന്നാലെ മോദി സർക്കാരിനെതിരെ രാജ്യത്തെ മധ്യവർഗം കടുത്ത രോഷത്തിലാണ്. മൂന്നാമതും മോദി സർക്കാരിനെ അധികാരത്തിലേറ്റുന്നതിൽ നിർണായക പങ്ക് വഹിച്ച അവർക്ക് ആദ്യ ബജറ്റിൽ തന്നെ വൻ തിരിച്ചടിയും സാമ്പത്തിക ബാധ്യതയുമാണ് ഉണ്ടായത്. ബിഹാറിനെയും ആന്ധ്രയെയും പരിഗണിച്ച ബജറ്റിൽ മധ്യവർഗ കുടുംബങ്ങൾക്ക് വലിയ ആഘാതമാണ് ഉണ്ടായിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആദായ നികുതിയിൽ പോലും മധ്യവർഗ കുടുംബങ്ങൾക്ക് ആശ്വാസകരമാകുന്ന പ്രഖ്യാപനങ്ങൾ ഉണ്ടായില്ല. ദീർഘകാല മൂലധന നേട്ടത്തിന് 10 ശതമാനം നികുതി 12. 5 ശതമാനമാക്കിയതും ഇൻഡെക്സേഷൻ ക്ലോസ് ഒഴിവാക്കിയതും സാധാരണക്കാർക്ക് വലിയ തിരിച്ചടിയാണ് ഉണ്ടാക്കുന്നത്.

ഇതോടെ ദീർഘകാല ഉടമസ്ഥതയിലുള്ള വസ്തു, വീട് എന്നിവ വിൽക്കുമ്പോൾ ഉടമ ലക്ഷക്കണക്കിന് രൂപ നികുതി കേന്ദ്രസർക്കാരിന് നൽകണം. സാധാരണക്കാരൻ വാങ്ങുന്ന എല്ലാ സാധനങ്ങൾക്കും ജിഎസ്ടി നൽകുന്നുണ്ട്. ആശുപത്രി ചികിത്സയ്ക്കും മരുന്നുകൾക്കും വിദ്യാഭ്യാസത്തിനും നികുതി അടക്കുന്നു.

ഇതിനെല്ലാം പുറമെ വാർഷിക വരുമാനത്തിൽ നിന്ന് വലിയൊരു തുക കൂടി കേന്ദ്രസർക്കാർ പിരിച്ചെടുക്കുന്നു. രാജ്യത്ത് 31% ജനങ്ങളും മധ്യവർഗമെന്നാണ് കരുതപ്പെടുന്നത്. 2014 ലും 2019 ലും ഈ കുടുംബങ്ങളുടെ പിന്തുണ ബിജെപിക്കാണ് ലഭിച്ചതെങ്കിലും ഇക്കഴിഞ്ഞ ലോക്സഭാ തെരഞ്ഞെടുപ്പിൽ മൂന്ന് ശതമാനം വോട്ട് നഷ്ടമായി.

എമ്പുരാൻ വിവാദം: മാധ്യമങ്ങളാണ് സൃഷ്ടിക്കുന്നതെന്ന് രാജീവ് ചന്ദ്രശേഖർ

സർക്കാരിനെതിരെ ഇടത്തരക്കാരിലുണ്ടായിരിക്കുന്ന വിരുദ്ധ വികാരം ശക്തിപ്പെട്ടാൽ വരുന്ന തിരഞ്ഞെടുപ്പുകളിൽ അതിൻ്റെ പ്രതിഫലനം ഉണ്ടാകുമെന്നാണ് വിലയിരുത്തപ്പെടുന്നത്.

എമ്പുരാൻ വിവാദം: ഹൈക്കോടതിയെ സമീപിച്ച ബിജെപി നേതാവിന് സസ്പെൻഷൻ