വാട്സ്ആപ്പ് പുതിയ അപ്ഡേറ്റിലൂടെ ‘ലോ ലൈറ്റ് മോഡ്’ എന്ന പുതിയ ഫീച്ചർ അവതരിപ്പിച്ചിരിക്കുകയാണ്. വെളിച്ചക്കുറവുള്ള സ്ഥലങ്ങളിൽ നിന്നും വിഡിയോ കോളുകൾ ചെയ്യുമ്പോൾ ഉപയോക്താക്കളെ സഹായിക്കുന്ന ഈ ഫീച്ചർ വരുന്നതോടെ കോൾ ചെയ്യുന്ന ആളുടെ മുഖം മോശം ലൈറ്റിലും കൂടുതൽ വ്യക്തമാകും. ഇതിലൂടെ ആശയവിനിമയം കൂടുതൽ ഫലപ്രദമാകുമെന്ന് പ്രതീക്ഷിക്കുന്നു.
ഇന്റർഫെയ്‌സിന്റെ വലതുവശത്ത് മുകളിലുള്ള ബൾബ് ഐക്കണിൽ ക്ലിക്ക് ചെയ്താൽ ഈ ഫീച്ചർ പ്രയോജനപ്പെടുത്താം. വെളിച്ചമുള്ള സമയത്ത് ഈ ഫീച്ചർ ടേൺ ഓഫ് ചെയ്ത് വെയ്ക്കാനുള്ള സൗകര്യവുമുണ്ടാകും. ആപ്പിന്റെ ഐഒഎസ്, ആൻഡ്രോയിഡ് പതിപ്പുകളിലാണ് ലോ-ലൈറ്റ് മോഡ് ലഭ്യമാകുന്നത്.
വാട്സ്ആപ്പ് മുമ്പ് തന്നെ വീഡിയോ കോളിനാവശ്യമായ നിരവധി ഫീച്ചറുകൾ അവതരിപ്പിച്ചിട്ടുണ്ട്. ടച്ച് അപ്പ് ഫീച്ചർ, ഫിൽട്ടറുകൾ ചേർക്കാനുള്ള ഓപ്‌ഷൻ, ബാക്ക്ഗ്രൗണ്ട് മാറ്റാനുള്ള ഫീച്ചർ എന്നിവ ഇതിൽ ഉൾപ്പെടുന്നു. ഈ പുതിയ അപ്ഡേറ്റ് വീഡിയോ കോളുകളുടെ ഗുണനിലവാരം മെച്ചപ്പെടുത്തുന്നതിനുള്ള വാട്സ്ആപ്പിന്റെ തുടർച്ചയായ ശ്രമങ്ങളുടെ ഭാഗമാണ്.
Story Highlights: WhatsApp introduces ‘Low Light Mode’ feature to enhance video calls in low-light conditions
