പശ്ചിമ ബംഗാളിലെ ബിർഭും ജില്ലയിൽ കൽക്കരി ഖനിയിൽ ഉണ്ടായ പൊട്ടിത്തെറിയിൽ അഞ്ച് തൊഴിലാളികൾ മരണമടഞ്ഞു. ബദുലിയ ബ്ലോക്കിലെ ഗംഗാറാംചക് മൈനിംഗ് പ്രൈവറ്റ് ലിമിറ്റഡ് കോളിയറിയിലാണ് (ജിഎംപിഎൽ) തിങ്കളാഴ്ച രാവിലെ 10.30ഓടെ സ്‌ഫോടനം നടന്നത്. ലോക്പൂർ പൊലീസ് സ്റ്റേഷൻ പരിധിയിലാണ് ഈ കൽക്കരി ഖനി സ്ഥിതി ചെയ്യുന്നത്.
സ്‌ഫോടനത്തിൽ നിരവധി പേർക്ക് പരിക്കേറ്റിട്ടുണ്ട്. പരിക്കേറ്റവരെ അടുത്തുള്ള ആശുപത്രിയിലേക്ക് ചികിത്സയ്ക്കായി മാറ്റി. ഡബ്ല്യുബിപിഡിസിഎൽ ഉദ്യോഗസ്ഥന്റെ അഭിപ്രായത്തിൽ, ഖനിയിലെ സ്‌ഫോടനങ്ങൾക്കായി ഡിറ്റണേറ്ററുകൾ കൊണ്ടുപോകുന്നതിനിടെയാണ് അപകടമുണ്ടായത്.
ഇതുവരെ നാല് മൃതദേഹങ്ങൾ കണ്ടെടുത്തിട്ടുണ്ട്. സ്ഥലത്ത് രക്ഷാപ്രവർത്തനം തുടരുകയാണ്. അധികൃതർ സംഭവത്തെക്കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ല. അപകടത്തിന്റെ കാരണം കണ്ടെത്താനുള്ള അന്വേഷണം നടന്നുവരികയാണ്.
Story Highlights: Five workers killed in coal mine explosion in West Bengal’s Birbhum district
