Wayanad accident: Sruthi's fiancé Jenson dies after bus-van collision

വയനാട് കൽപ്പറ്റ വെള്ളാരംകുന്നിൽ ഉണ്ടായ ഒരു ഗുരുതര വാഹനാപകടത്തിൽ പരുക്കേറ്റ ജെൻസൺ എന്ന യുവാവ് മരണത്തിന് കീഴടങ്ങി. ഇന്നലെ ഉച്ചയ്ക്കുശേഷം നടന്ന അപകടത്തിൽ ഒമ്നി വാനും സ്വകാര്യ ബസ്സും കൂട്ടിയിടിച്ചതിനെ തുടർന്നാണ് ജെൻസണടക്കം ഒൻപത് പേർക്ക് പരുക്കേറ്റത്. ഇന്ന് രാവിലെ 8.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

57ന് മേപ്പാടി മൂപ്പൻസ് മെഡിക്കൽ കോളേജിലാണ് ജെൻസൺ മരണമടഞ്ഞത്. ജെൻസൺ, ഉരുൾപൊട്ടൽ ദുരന്തത്തിൽ ബന്ധുക്കളെ നഷ്ടപ്പെട്ട ശ്രുതിയുടെ പ്രതിശ്രുത വരനായിരുന്നു. ശ്രുതിയും അവരുടെ ബന്ധു ലാവണ്യയും അപകടത്തിൽ പരിക്കേറ്റവരിൽ ഉൾപ്പെടുന്നു.

ദുരന്തത്തിൽ ലാവണ്യയ്ക്ക് മാതാപിതാക്കളെയും സഹോദരനെയും നഷ്ടമായിരുന്നു. കോഴിക്കോട് ബന്ധുവിന്റെ വീട്ടിലേക്ക് പോകുമ്പോഴായിരുന്നു അപകടം സംഭവിച്ചത്. വെള്ളാരം കുന്നിലെ വളവിൽ വച്ചാണ് വാനും ബസ്സും കൂട്ടിയിടിച്ചത്.

കൂട്ടിയിടിയുടെ ആഘാതത്തിൽ വാനിന്റെ മുൻഭാഗം തകർന്നു. വാഹനത്തിന്റെ ഒരു ഭാഗം പൊളിച്ചാണ് യാത്രക്കാരെ പുറത്തെടുത്തത്. തലയ്ക്ക് ഗുരുതരമായി പരിക്കേറ്റ ജെൻസൺ മേപ്പാടിയിലെ സ്വകാര്യ ആശുപത്രിയിലും, ശ്രുതിയേയും മറ്റ് കുടുംബാംഗങ്ങളെയും കൽപ്പറ്റയിലെ ആശുപത്രിയിലുമാണ് പ്രവേശിപ്പിച്ചത്.

ചിത്രദുർഗയിൽ വാഹനാപകടം: രണ്ട് മലയാളി വിദ്യാർത്ഥികൾ മരിച്ചു

ബസിൽ ഉണ്ടായിരുന്ന രണ്ട് പേർക്കും അപകടത്തിൽ പരിക്കേറ്റിട്ടുണ്ട്.

Story Highlights: Jenson, fiancé of Sruthi who lost relatives in Wayanad landslide, dies in road accident

കൽപ്പറ്റ പോലീസ് സ്റ്റേഷനിലെ മരണം; അന്വേഷണം വേണമെന്ന് രാഷ്ട്രീയ പാർട്ടികൾ