Wayanad Landslide Survivor and Fiancé Injured in Car Accident

വയനാട് വെള്ളാരംകുന്നിൽ നടന്ന വാഹനാപകടത്തിൽ 9 പേർക്ക് പരുക്കേറ്റു. സ്വകാര്യബസും കാറും കൂട്ടിയിടിച്ചാണ് അപകടമുണ്ടായത്. ചൂരൽമല ഉരുൾപൊട്ടലിൽ കുടുംബത്തെ നഷ്ടപ്പെട്ട ശ്രുതിയും അവരുടെ പ്രതിശ്രുത വരൻ ജെൻസണും ഈ അപകടത്തിൽ പരുക്കേറ്റവരിൽ ഉൾപ്പെടുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജെൻസണെ മേപ്പാടിയിലെ ആശുപത്രിയിലും മറ്റുള്ളവരെ കൽപ്പറ്റയിലെ ആശുപത്രിയിലും പ്രവേശിപ്പിച്ചു. മുണ്ടക്കെയിലും ചൂരല്മലയിലുമുണ്ടായ ഉരുള്പൊട്ടലില് ശ്രുതിയുടെ കുടുംബത്തിലെ ഒമ്പത് പേരാണ് മരണപ്പെട്ടത്. കോഴിക്കോട് ജോലിസ്ഥലത്തായിരുന്നതിനാൽ ശ്രുതി മാത്രമാണ് ജീവനോടെ രക്ഷപ്പെട്ടത്.

നിലവിൽ കല്പ്പറ്റയിലെ വാടക വീട്ടില് ബന്ധുവിനൊപ്പം കഴിയുന്ന ശ്രുതിക്ക് പ്രതിശ്രുത വരൻ ജെന്സന്റെ പിന്തുണയാണ് ഏക ആശ്വാസം. പത്ത് വര്ഷത്തെ പ്രണയത്തിനൊടുവിൽ ഒരു മാസം മുമ്പാണ് ഇരുവരുടെയും വിവാഹ നിശ്ചയം നടന്നത്. അതേ ദിവസം തന്നെ ശ്രുതിയുടെ പുതിയ വീടിന്റെ പാലു കാച്ചലും നടന്നിരുന്നു.

എന്നാൽ ഉരുൾപൊട്ടൽ ശ്രുതിയുടെ ജീവിതത്തിൽ വലിയ ദുരന്തമായി. വിവാഹത്തിനായി അച്ഛൻ സ്വരുക്കൂട്ടി വെച്ചിരുന്ന നാലര ലക്ഷം രൂപയും 15 പവനും നഷ്ടമായി. സെപ്റ്റംബറിൽ നടത്താൻ തീരുമാനിച്ചിരുന്ന വിവാഹം ഇപ്പോൾ ചെറിയൊരു ചടങ്ങായി മാറ്റി ശ്രുതിയെ വീട്ടിലേക്ക് കൂട്ടിക്കൊണ്ടു പോകാനാണ് ജെന്സന്റെ തീരുമാനം.

കൊട്ടാരക്കരയിൽ ഇരുചക്രവാഹനങ്ങൾ കൂട്ടിയിടിച്ച് മൂന്ന് യുവാക്കൾ മരിച്ചു

Story Highlights: Wayanad landslide survivor Sruthi and fiancé injured in car accident

രാഹുലിനൊപ്പം സോണിയ ഗാന്ധി വയനാട്ടിലേക്ക്; രാഷ്ട്രീയ കേന്ദ്രങ്ങൾ ഉറ്റുനോക്കുന്നു