വയനാട് ജില്ലയിലെ മുണ്ടക്കൈ, ചൂരൽമല പ്രദേശത്തെ ഉരുൾപൊട്ടൽ ദുരന്തത്തിൽ വീടും വസ്തുവകകളും നഷ്ടപ്പെട്ടവർക്ക് സംസ്ഥാന സർക്കാർ അടിയന്തര സഹായം പ്രഖ്യാപിച്ചിരിക്കുന്നു.
ജീവനോപാധി നഷ്ടപ്പെട്ട കുടുംബങ്ങളിലെ പ്രായപൂർത്തിയായ രണ്ടുപേർക്ക് ദിവസവും 300 രൂപ വീതം ലഭിക്കും. കിടപ്പുരോഗികളോ ആശുപത്രിവാസക്കാരോ ഉള്ള കുടുംബങ്ങൾക്ക് മൂന്നുപേർക്കാണ് ഈ ആനുകൂല്യം. ഇത് 30 ദിവസത്തേക്കായിരിക്കും.
ക്യാമ്പുകളിൽ കഴിയുന്ന ഓരോ കുടുംബത്തിനും പതിനായിരം രൂപ അടിയന്തര ധനസഹായം നൽകും. മുണ്ടക്കൈ, ചൂരൽമല പ്രദേശത്തെ ദുരന്തബാധിതർക്ക് മറ്റൊരു വാസസ്ഥലത്തേക്ക് മാറുന്നതിനുള്ള സൗകര്യങ്ങൾ ഒരുക്കാൻ കളക്ടറുടെ റിപ്പോർട്ട് ആവശ്യപ്പെട്ടിട്ടുണ്ട്. സർക്കാർ ഉടമസ്ഥതയിലോ മറ്റു പൊതു ഉടമസ്ഥതയിലോ വാടക നിശ്ചയിച്ച് താമസസൗകര്യം ഒരുക്കും.
Story Highlights: Wayanad landslide disaster: Kerala government announces financial aid for affected families.
Image Credit: twentyfournews
