Thiruvananthapuram water crisis to end by 4 PM: Minister Roshy Augustine

തിരുവനന്തപുരം നഗരത്തിലെ കുടിവെള്ള പ്രതിസന്ധിയിൽ പ്രതികരണവുമായി മന്ത്രി റോഷി അഗസ്റ്റിൻ രംഗത്തെത്തി. കഴിഞ്ഞ നാല് ദിവസമായി തുടരുന്ന പ്രശ്നത്തിന് പരിഹാരമായി ഇന്ന് വൈകിട്ട് നാല് മണിക്ക് മുൻപ് എല്ലായിടത്തും വെള്ളം എത്തിക്കാൻ കഴിയുമെന്ന് മന്ത്രി ഉറപ്പ് നൽകി. ഇനി ഇത്തരം സാങ്കേതിക പ്രശ്നങ്ങൾ ഉണ്ടാകാതിരിക്കാൻ നടപടികൾ സ്വീകരിക്കുമെന്നും അദ്ദേഹം അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്നലെ രാത്രി പമ്പിങ് നേരിയ രീതിയിൽ പുനരാരംഭിച്ചെങ്കിലും, പ്രഷർ കൂടിയപ്പോൾ പൈപ്പ് പൊട്ടുന്ന സാഹചര്യമുണ്ടായി. ഇതോടെ പമ്പിങ് താൽക്കാലികമായി നിർത്തിവയ്ക്കേണ്ടി വന്നു. ജനങ്ങൾ വലിയ ബുദ്ധിമുട്ട് അനുഭവിച്ചതായി മന്ത്രി സമ്മതിച്ചു.

സാധ്യമായ സ്ഥലങ്ങളിൽ ടാങ്കറുകളിലൂടെ വെള്ളം എത്തിക്കുന്നുണ്ടെന്നും, 40 മണിക്കൂറോളം അധികമായി ചെലവഴിക്കേണ്ടി വന്നുവെന്നും അദ്ദേഹം വ്യക്തമാക്കി. ഇത്തരം കാര്യങ്ങളിൽ കരുതലോടെ പ്രവർത്തിക്കുമെന്നും മന്ത്രി കൂട്ടിച്ചേർത്തു. തിരുവനന്തപുരം-കന്യാകുമാരി റെയിൽവേ പാത ഇരട്ടിപ്പിക്കുന്നതുമായി ബന്ധപ്പെട്ട് നിലവിലെ പൈപ്പുകൾ മാറ്റി സ്ഥാപിക്കുന്ന ജോലിയെ തുടർന്നാണ് നാല് ദിവസമായി നഗരത്തിൽ കുടിവെള്ളം മുടങ്ങിയത്.

വിനീത കൊലക്കേസ്: പ്രതി രാജേന്ദ്രൻ കുറ്റക്കാരൻ

44 വാർഡുകളിലേക്കുള്ള കുടിവെള്ള വിതരണമാണ് നിർത്തിവച്ചിരുന്നത്. പൂർണമായും പമ്പിങ് തുടങ്ങുന്നത് വരെ ഈ പ്രദേശങ്ങളിൽ ടാങ്കറുകളിൽ ജലവിതരണം തുടരുമെന്ന് നഗരസഭ അറിയിച്ചു. കൂടാതെ, വാട്ടർ അതോറിറ്റിയിൽ കൺട്രോൾ റൂം ആരംഭിക്കുമെന്നും മന്ത്രി വി.

ശിവൻകുട്ടി നേരത്തെ അറിയിച്ചിരുന്നു.

Story Highlights: Thiruvananthapuram water crisis to be resolved by 4 PM today, assures Minister Roshy Augustine

കൊച്ചിയിൽ അഞ്ച് കിലോ കഞ്ചാവ് പിടിച്ചെടുത്തു; തിരുവനന്തപുരത്ത് കഞ്ചാവ് കൃഷി ചെയ്ത കേന്ദ്രസർക്കാർ ജീവനക്കാരൻ അറസ്റ്റിൽ