VT Balram slams Dr. P Sarin over Palakkad voter registration controversy

പാലക്കാട് മണ്ഡലത്തിലെ എൽഡിഎഫ് സ്ഥാനാർത്ഥി ഡോ. പി സരിന്റെ വോട്ടർ പട്ടികയിലെ വിവരങ്ങൾ സംബന്ധിച്ച് വിവാദം തുടരുകയാണ്. കോൺഗ്രസ് നേതാവ് വി ടി ബൽറാം ഇക്കാര്യത്തിൽ കടുത്ത വിമർശനമാണ് ഉന്നയിച്ചിരിക്കുന്നത്. ഡോ. പി സരിൻ പാലക്കാട്ടെ സ്ഥിരതാമസക്കാരൻ അല്ലെന്ന് ആവർത്തിച്ച് പറഞ്ഞ കോൺഗ്രസ്, ഇരട്ട വോട്ട് ആരോപണത്തിനെതിരെ കേസ് കൊടുക്കുമെന്ന് പറഞ്ഞ് പേടിപ്പിക്കരുതെന്നും വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരിധിവിട്ടുള്ള കാപട്യം ഡോ.പി സരിൻ ഒഴിവാക്കണമെന്ന് വി ടി ബൽറാം ആവശ്യപ്പെട്ടു. കേരളത്തിന്റെ പ്രതിപക്ഷ നേതാവിനെ പേടിപ്പിക്കാമെന്ന് കരുതണ്ടെന്നും ആർജ്ജവത്തോടെ സത്യം ഇനിയും വിളിച്ചുപറയുമെന്നും അദ്ദേഹം പറഞ്ഞു. തെറ്റായ രീതിയിൽ തന്റെ ഐഡന്റിറ്റിയിലൂടെ ഡോ. പി സരിൻ പാലക്കാട്ടുകാരെ പറ്റിക്കുന്നുവെന്നും കോൺഗ്രസ് നേതാവ് ആരോപിച്ചു.

എന്നാൽ, പ്രതിപക്ഷ നേതാവ് വി ഡി സതീശന്റെ ആരോപണങ്ങൾക്ക് മറുപടിയുമായി ഡോ. പി സരിനും ഭാര്യ ഡോ സൗമ്യയും രംഗത്തെത്തി. തന്റെ വീട്ടിൽ താമസിക്കുന്നത് കുടുംബസുഹൃത്താണെന്നും വീട്ടിലേക്ക് വന്നാൽ പ്രതിപക്ഷ നേതാവിന് കാര്യങ്ങൾ മനസിലാകുമെന്നും സരിൻ പറഞ്ഞു. 2017-ൽ വാങ്ങിയ വീട് 2020-ൽ വാടകയ്ക്ക് നൽകിയെന്നും ഈ വീട്ടുവിലാസം നൽകിയാണ് വോട്ടർ പട്ടികയിൽ ചേർത്തതെന്നും അദ്ദേഹം വിശദീകരിച്ചു. 2018 മുതൽ പാലക്കാട് താമസക്കാരനാണെന്നും 2020-ൽ കോവിഡ് കാലത്താണ് വോട്ട് ഒറ്റപ്പാലത്തേക്ക് മാറ്റിയതെന്നും സരിൻ കൂട്ടിച്ചേർത്തു.