വിവോ എക്സ് 200 പ്രോ മിനി എന്ന പുതിയ പ്രീമിയം കോമ്പാക്റ്റ് സ്മാർട്ട്ഫോൺ വിപണിയിലെത്തി. പോക്കറ്റിലൊതുങ്ങുന്ന സൈസിലുള്ള പ്രീമിയം ആൻഡ്രോയ്ഡ് ഫോൺ സ്വന്തമാക്കാൻ ആഗ്രഹിക്കുന്നവർക്ക് ഇത് ഒരു മികച്ച ഓപ്ഷനാണ്. 6.31 ഇഞ്ച് അമോലെഡ് ഡിസ്പ്ലേയുള്ള ഈ ഫോൺ 5700 mAh ബാറ്ററി കപ്പാസിറ്റിയും 90 വാട്ട് ഫാസ്റ്റ് ചാർജിങ് സപ്പോർട്ടും നൽകുന്നു.
നിലവിൽ വിപണിയിലുള്ള മിക്ക പ്രീമിയം ഫോണുകളും 6.7 ഇഞ്ചോ അതിലധികമോ ഡിസ്പ്ലേ സൈസ് ഉള്ളവയാണ്. 6.5 ഇഞ്ചിനുള്ളിലെ പ്രീമിയം ഫോണുകൾ കുറവാണ്. ഐഫോണുകൾ ഒഴികെയുള്ള ചെറിയ സൈസ് പ്രീമിയം ഫോണുകൾ വിപണിയിൽ വിരളമാണ്. സാംസങ് എസ് സീരീസിലെ മോഡലുകൾ ലഭ്യമാണെങ്കിലും അമിത വിലയും മോശം ബാറ്ററി കപ്പാസിറ്റിയും പോലുള്ള പ്രശ്നങ്ങൾ നിലനിൽക്കുന്നു.
വിവോ എക്സ് 200 പ്രോ മിനിയുടെ മറ്റ് സവിശേഷതകളിൽ ZEISS സൂപ്പർ ടെലി ഫോട്ടോ കാമറ, 50 എംപി സോണി LYT-818 സെൻസർ, 50 എംപി അൾട്രാ വൈഡ് ലെൻസ്, മീഡിയടെക്കിന്റെ ഡൈമൻസിറ്റി 9400 പ്രോസസർ, IP69 + IP68 വാട്ടർ റെസിസ്റ്റൻസ് റേറ്റിങ്, 4K HDR വീഡിയോ റെക്കോർഡിങ്, 16 ജിബി വരെ റാം എന്നിവ ഉൾപ്പെടുന്നു. ചൈനയിൽ അവതരിപ്പിച്ച ഫോണിന്റെ 12/256 ജിബി വേർഷന് നിലവിൽ 55000 രൂപയാണ് വില.
Story Highlights: Vivo introduces X200 Pro Mini, a compact premium Android phone with 6.31-inch display and 5700 mAh battery.
