Vivek Oberoi buys Rolls-Royce worth 12.25 crore, video goes viral

വിവേക് ഒബ്രോയ് തന്റെ പുതിയ റോൾസ് റോയ്സ് കള്ളിനൻ ബ്ലാക്ക് ബാഡ്ജ് വാങ്ങിയതിന്റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്. 12.25 കോടി രൂപ വിലമതിക്കുന്ന ഈ ആഡംബര വാഹനം കണ്ട് താരത്തിന്റെ കുടുംബവും ആരാധകരും അത്ഭുതപ്പെട്ടിരിക്കുകയാണ്. മലയാളത്തിലടക്കം നിരവധി ശ്രദ്ധേയ വേഷങ്ങൾ ചെയ്ത നടനാണ് വിവേക് ഒബ്രോയ്. ലൂസിഫറിലെ വില്ലൻ കഥാപാത്രത്തിലൂടെ മലയാളികളുടെ മനം കവർന്ന താരം കഴിഞ്ഞ മൂന്ന് വർഷമായി ദുബായിലാണ് താമസിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വീഡിയോയിൽ വിവേക് തന്റെ പുതിയ കാർ കാണിക്കാൻ അച്ഛൻ സുരേഷ് ഒബ്റോയ്, അമ്മ യശോധര ഒബ്റോയ്, ഭാര്യ പ്രിയങ്ക ആൽവ ഒബ്റോയ് എന്നിവരെ അവരുടെ വസതിക്ക് പുറത്തേക്ക് കൊണ്ടുപോകുന്നത് കാണാം. തുടർന്ന് താരം ഡെലിവറി ട്രക്ക് തുറന്ന് തന്റെ പുതിയ റോൾസ് റോയ്സ് കള്ളിനൻ ബ്ലാക്ക് ബാഡ്ജ് അനാച്ഛാദനം ചെയ്തു. ശേഷം കുടുംബവുമായി റൈഡ് പോകുന്നതും വീഡിയോയിലുണ്ട്. “വിജയം വ്യത്യസ്ത രൂപത്തിലും വലുപ്പത്തിലും വരുന്നു, ഇന്ന് ഇത് റോൾസ് റോയ്സിന്റെ രൂപത്തിലാണ്. ജീവിതത്തിലെ പ്രത്യേക നിമിഷങ്ങൾ കുടുംബത്തോടൊപ്പം ആഘോഷിക്കുന്നതിൽ അങ്ങേയറ്റം നന്ദിയും അനുഗ്രഹവും ഉണ്ട്,” എന്നും താരം വീഡിയോയ്ക്ക് അടിയിൽ കുറിച്ചു.

വിവേകിന്റെ ശേഖരത്തിലെ ആദ്യത്തെ ആഡംബര വാഹനമല്ല ഇത്. 4.5 കോടി രൂപ വിലമതിക്കുന്ന ക്രിസ്ലർ 300സി ലിമോസിൻ, 3.11 കോടി രൂപ വിലമതിക്കുന്ന ലംബോർഗിനി ഗല്ലാർഡോ, രണ്ട് മെഴ്സിഡസ് മോഡലുകൾ എന്നിവ നടന്റെ കൈവശമുണ്ടെന്ന് റിപ്പോർട്ടുണ്ട്. അഭിനയത്തിന് പുറമേ ദുബായിൽ റിയൽ എസ്റ്റേറ്റിലും നിരവധി ബിസിനസ്സുകളിലും ഒബ്രോയ്ക്ക് ഇടപെടുകളുണ്ട്.

Story Highlights: Vivek Oberoi buys Rolls-Royce Cullinan Black Badge worth 12.25 crore, surprises family and fans

കാർത്തിക് ആര്യനെതിരെ ബോളിവുഡ് ഗൂഢാലോചന നടത്തുന്നുവെന്ന് അമാൽ മാലിക്