അർജുൻ സർജ്ജ-നിക്കി ഗാൽറാണി ചിത്രം ‘വിരുന്ന്’ ടീസർ പുറത്തുവിട്ടു

മൾട്ടിസ്റ്റാർ സാന്നിദ്ധ്യത്തോടെ എത്തുന്ന ‘വിരുന്ന്’ എന്ന ചിത്രത്തിന്റെ ഔദ്യോഗിക ടീസർ പുറത്തിറങ്ങി. കണ്ണൻ താമരക്കുളം സംവിധാനം ചെയ്യുന്ന ഈ സിനിമ നിർമ്മിക്കുന്നത് നെയ്യാർ ഫിലിംസിന്റെ ബാനറിലാണ്. അഡ്വ. ഗിരീഷ് നെയ്യാർ നിർമ്മാതാവാണ്.

തെന്നിന്ത്യൻ ആക്ഷൻ ഹീറോ അർജുൻ കേന്ദ്രകഥാപാത്രത്തെ അവതരിപ്പിക്കുന്നു. ദക്ഷിണേന്ത്യൻ ഭാഷകളിലെല്ലാം പ്രശസ്തയായ നടി നിക്കി ഗിൽ റാണി നായികയായി എത്തുന്നതും ചിത്രത്തെ ആകർഷകമാക്കുന്നു. ടീസർ നോക്കിയാൽ കണ്ണൻ താമരക്കുളം ഏറെ ദുരുഹതകൾ ഒരുക്കിയിരിക്കുന്നു എന്ന് മനസ്സിലാകും. പ്രേക്ഷകർ ഈ ടീസറിനെ ആവേശപൂർവ്വം സ്വീകരിച്ചിരിക്കുകയാണ്.

ടീസറിൽ ഉദ്വേഗവും സസ്പെൻസും വ്യക്തമാണ്.

ആഗസ്റ്റ് 23-നാണ് ചിത്രം തിയേറ്ററുകളിലെത്തുന്നത്. ഈ ചിത്രത്തിന്റെ പ്രചാരണത്തിന്റെ ഭാഗമായാണ് ടീസർ പുറത്തുവിട്ടിരിക്കുന്നത്.

മുകേഷ്, ഗിരീഷ് നെയ്യാർ, ആജു വർഗീസ്, ബൈജു സന്തോഷ് എന്നിവരും പ്രധാന വേഷങ്ങളുണ്ട്. ധർമ്മജൻ ബോൾഗാട്ടി, ഹരീഷ് പേരടി, അജയ് വാസുദേവ്, സോനാ നായർ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.

തിരക്കഥ എഴുതിയത് ദിനേശ് പള്ളത്താണ്. കൈതപ്രം, റഫീഖ് അഹമ്മദ് എന്നിവർ ഗാനരചയിതാക്കളും രതീഷ് വേഗ, സാനന്ദ് ജോർജ് എന്നിവർ സംഗീതസംവിധായകരുമാണ്. റോണി റാഫേൽ പശ്ചാത്തല സംഗീതം നിർവ്വഹിച്ചു. രവിചന്ദ്രൻ ഛായാഗ്രഹണവും വി.റ്റി. ശ്രീജിത്ത് എഡിറ്റിംഗും നിർവ്വഹിച്ചു.

Story Highlights: Multistarrer Malayalam movie ‘Virunnu’ official teaser starring Arjun Sarja and Nikki Galrani is out.