ബോർഡർ ഗാവസ്കർ ട്രോഫിക്കായി ഓസ്ട്രേലിയയിൽ എത്തിയ വിരാട് കോഹ്ലിയെ പ്രശംസിച്ച് ഓസ്ട്രേലിയൻ പത്രങ്ങൾ രംഗത്തെത്തി. നവംബർ 22 മുതൽ 26 വരെ ഒപ്റ്റസിൽ നടക്കുന്ന ആദ്യ ടെസ്റ്റിന് പത്ത് ദിവസം മുമ്പാണ് കോഹ്ലി ഓസ്ട്രേലിയയിലെത്തിയത്. ചില പത്രങ്ങൾ കോഹ്ലിയുടെ ഫുൾ പേജ് പോസ്റ്റർ അടക്കം നൽകിയാണ് ബോർഡർ ഗാവസ്കർ ട്രോഫിയുമായി ബന്ധപ്പെട്ട വാർത്തകൾ പ്രസിദ്ധീകരിച്ചത്.
ഇംഗ്ലീഷിനു പുറമെ ഹിന്ദി, പഞ്ചാബി ഭാഷകളിലും വാർത്തകൾ പ്രസിദ്ധീകരിച്ചിട്ടുണ്ട്. ‘ദ അഡ്വർടൈസർ’ എന്ന പത്രത്തിന്റെ തലക്കെട്ട് ‘യുഗോം ടി ലഡായി’ (കാലങ്ങൾ നീണ്ട പോരാട്ടം) എന്നാണ്. ഇന്ത്യൻ നിരയിലെ ഋഷഭ് പന്ത്, യശസ്വി ജയ്സ്വാൾ എന്നിവരെ കുറിച്ചും വാർത്തകളിൽ പരാമർശിച്ചിട്ടുണ്ട്. പഞ്ചാബിൽ ‘നവം രാജ’ (പുതിയ രാജാവ്) എന്ന തലക്കെട്ടിൽ ജയ്സ്വാളിനെ കുറിച്ചും വാർത്തകളുണ്ട്.
അതേസമയം, ഇന്ത്യൻ ടീമിന്റെ പരിശീലന സെഷനുകൾ പുറത്തുനിന്ന് ആർക്കും കാണാൻ കഴിയില്ല. താരങ്ങളുടെ സുരക്ഷ കൂടി കണക്കിലെടുത്താണ് ഈ തീരുമാനം. ത്രിദിന സന്നാഹ മത്സരം ഷെഡ്യൂൾ ചെയ്തിരുന്നെങ്കിലും താരങ്ങൾക്ക് പരിക്ക് സംഭവിക്കാനിടയുള്ളതുകൊണ്ട് അത് റദ്ദാക്കിയതായും റിപ്പോർട്ടുകൾ സൂചിപ്പിക്കുന്നു.
Story Highlights: Virat Kohli arrives in Australia for Border-Gavaskar Trophy, Australian newspapers praise his early arrival
