ഇന്ത്യൻ വിപണിയിൽ തങ്ങളുടെ സാന്നിധ്യം ശക്തമാക്കാൻ ഒരുങ്ങി വിയറ്റ്നാം വാഹന നിർമ്മാതാക്കളായ വിൻഫാസ്റ്റ്. ഇതിന്റെ ഭാഗമായി രാജ്യത്തെ 27 പ്രധാന നഗരങ്ങളിൽ ഡീലർഷിപ്പുകൾ ആരംഭിക്കാനൊരുങ്ങുകയാണ് കമ്പനി. കേരളത്തിലെ മൂന്ന് നഗരങ്ങളിലും വിൻഫാസ്റ്റിന്റെ ഡീലർഷിപ്പുകൾ ഉണ്ടാകും. ഈ മാസം 15 മുതൽ വാഹനങ്ങൾ ബുക്ക് ചെയ്യാനുള്ള സൗകര്യം ലഭ്യമാകുമെന്നും കമ്പനി അറിയിച്ചു.
വിൻഫാസ്റ്റിന്റെ ഇലക്ട്രിക് വാഹനങ്ങൾ ഈ വർഷം ജനുവരിയിൽ നടന്ന ഭാരത് മൊബിലിറ്റി എക്സ്പോയിലൂടെയാണ് ആദ്യമായി ഇന്ത്യയിൽ പ്രദർശിപ്പിച്ചത്. തുടർന്ന് വാഹന പ്രേമികൾക്കിടയിൽ വലിയ ആകാംഷയുണ്ടായി. ഈ അവസരത്തിൽ തന്നെ വാഹനങ്ങൾ ഉടൻ ഇന്ത്യൻ നിരത്തുകളിലേക്ക് എത്തുമെന്നും കമ്പനി സൂചന നൽകിയിരുന്നു. അതിന്റെ ഭാഗമായിട്ടാണ് ബുക്കിംഗ് ആരംഭിക്കുന്നത്.
ആദ്യഘട്ടത്തിൽ വിഎഫ്6, വിഎഫ്7 എന്നീ മോഡലുകളായിരിക്കും ഇന്ത്യയിൽ അവതരിപ്പിക്കുകയെന്ന് വിൻഫാസ്റ്റ് അറിയിച്ചിട്ടുണ്ട്. വിദേശ വിപണികളിൽ രണ്ട് വേരിയന്റുകളിലാണ് വിഎഫ്7 വിൻഫാസ്റ്റ് പുറത്തിറക്കിയിട്ടുള്ളത്. ഇക്കോ, പ്ലസ് എന്നിവയാണ് ഈ വേരിയന്റുകൾ. ഈ രണ്ട് മോഡലുകളും അഞ്ച് സീറ്റർ ഇലക്ട്രിക് എസ് യു വി വിഭാഗത്തിലേക്കാണ് വരുന്നത്.
വിഎഫ്6 മോഡലിന് ഏകദേശം 25 ലക്ഷം രൂപ മുതലും വിഎഫ്7 മോഡലിന് 50 ലക്ഷം രൂപ മുതലുമായിരിക്കും വില ആരംഭിക്കുക എന്ന് റിപ്പോർട്ടുകൾ സൂചിപ്പിക്കുന്നു. വിഎഫ് 6ന്റെ നീളം 4,238 എംഎം, വീതി 1,820 എംഎം, ഉയരം 1,594 എംഎം ആണ്. കൂടാതെ 2,730 എംഎം നീളമുള്ള വീൽബേസും ഇതിനുണ്ട്. സുരക്ഷയ്ക്ക് ഏറെ പ്രാധാന്യം നൽകുന്ന ലെവൽ 2 ആഡാസ് പോലുള്ള സംവിധാനങ്ങളും ഈ വാഹനത്തിലുണ്ട്.
75.3 കിലോവാട്ട് ബാറ്ററി പാക്കോട് കൂടിയ ഇക്കോ വേരിയന്റിൽ 450 കിലോമീറ്റർ വരെ റേഞ്ച് ലഭിക്കും. അതേസമയം പ്ലസ് വേരിയന്റിൽ ഇത് 431 കിലോമീറ്ററായി കുറയും. വാഹനത്തിന് കരുത്ത് പകരുന്നത് സിംഗിൾ മോട്ടറാണ്. ഈ രണ്ട് വേരിയന്റുകളും മികച്ച പ്രകടനം കാഴ്ചവെക്കുന്നു.
വരും ദിവസങ്ങളിൽ കൂടുതൽ വിവരങ്ങൾ ലഭ്യമാവുമെന്നാണ് കരുതുന്നത്.
Story Highlights: വിയറ്റ്നാം വാഹന നിർമ്മാതാക്കളായ വിൻഫാസ്റ്റ് ഇന്ത്യൻ വിപണിയിൽ തങ്ങളുടെ ഇലക്ട്രിക് വാഹനങ്ങൾ അവതരിപ്പിക്കാനൊരുങ്ങുന്നു, ഈ മാസം 15 മുതൽ ബുക്കിംഗ് ആരംഭിക്കും.
ചൈനീസ് വാഹന നിർമ്മാതാക്കളായ ബി.വൈ.ഡി 1.15 ലക്ഷം കാറുകൾ തിരിച്ചുവിളിക്കുന്നു. 2015-നും 2022-നും Read more
മാരുതി സുസുക്കി പൂർണ്ണമായും എഥനോളിൽ പ്രവർത്തിക്കുന്ന ഫ്രോങ്ക്സ് ഫ്ലെക്സ് ഫ്യുവൽ അവതരിപ്പിക്കാൻ ഒരുങ്ങുന്നു. Read more
ഹ്യുണ്ടായി 2027-ൽ ഒരു കുഞ്ഞൻ ഇലക്ട്രിക് എസ്യുവി ഇന്ത്യയിൽ അവതരിപ്പിക്കാൻ സാധ്യത. ടാറ്റാ Read more
ഇലക്ട്രിക് വാഹനങ്ങളിൽ അക്കോസ്റ്റിക് വെഹിക്കിൾ അലർട്ടിങ് സിസ്റ്റം (AVAS) നിർബന്ധമാക്കാൻ കേന്ദ്ര സർക്കാർ. Read more
വോൾവോ പുതിയ ഇലക്ട്രിക് കോച്ച് ചേസിസ് പുറത്തിറക്കി. 700 കിലോമീറ്റർ വരെ റേഞ്ച് Read more
സ്കോഡ ഒക്ടാവിയ ആർഎസ് പെർഫോമൻസ് സെഡാൻ ഇന്ത്യൻ വിപണിയിലേക്ക് എത്തുന്നു. ഒക്ടോബർ 17-ന് Read more
സ്കോഡ ഒക്ടാവിയ ആർഎസ് നവംബറിൽ ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുന്നു. 2.0 ലിറ്റർ Read more
മാരുതി സുസുക്കിയുടെ പുതിയ മിഡ് സൈസ് എസ്യുവി വിക്ടോറിസ് ഉടൻ വിപണിയിൽ എത്തും. Read more
ബിഎംഡബ്ല്യു പുതിയ ലോഗോ പുറത്തിറക്കി. ജർമ്മനിയിലെ മ്യൂണിക് മോട്ടോർ ഷോയിലാണ് ലോഗോ അവതരിപ്പിച്ചത്. Read more
ചൈനയിൽ വാഹനങ്ങളിൽ പോപ്പ് ഔട്ട് ഡോർ ഹാൻഡിലുകൾ ഉപയോഗിക്കുന്നത് നിരോധിക്കാൻ സാധ്യത. അപകട Read more
