Wrestlers Vinesh Phogat, Bajrang Punia Meet Rahul Gandhi Amid Poll Buzz

പ്രമുഖ ഗുസ്തി താരങ്ങളായ വിനേഷ് ഫോഗട്ടും ബജ്റംഗ് പുനിയയും രാഹുല് ഗാന്ധിയുമായി കൂടിക്കാഴ്ച നടത്തിയതായി റിപ്പോർട്ടുകൾ പുറത്തുവന്നു. ഹരിയാന നിയമസഭാ തെരഞ്ഞെടുപ്പില് ഇരുവരും കോണ്ഗ്രസ് സ്ഥാനാര്ത്ഥികളായി മത്സരിക്കുമെന്ന അഭ്യൂഹങ്ങൾക്കിടയിലാണ് ഈ കൂടിക്കാഴ്ച നടന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കോൺഗ്രസ് പാർട്ടിയുടെ ഔദ്യോഗിക എക്സ് അക്കൗണ്ടിലൂടെയാണ് മൂവരുടെയും കൂടിക്കാഴ്ചയുടെ ചിത്രങ്ങൾ പുറത്തുവന്നത്. വിനേഷ് ഫോഗട്ടിനും ബജ്റംഗ് പുനിയയ്ക്കും സീറ്റ് നല്കുമെന്ന് കോണ്ഗ്രസ് നേതൃത്വം അനൗദ്യോഗികമായി അറിയിച്ചതായി വാർത്തകളുണ്ട്.

ഹരിയാനയില് അധികാരത്തിലേറിയാല് ഇരുവരേയും സര്ക്കാരില് ഉള്പ്പെടുത്തുമെന്നും വാഗ്ദാനം ചെയ്തതായി റിപ്പോര്ട്ടുകൾ സൂചിപ്പിക്കുന്നു. ഹരിയാന തെരഞ്ഞെടുപ്പിനുള്ള സ്ഥാനാര്ത്ഥി പട്ടിക രണ്ടുദിവസത്തിനുള്ളില് പുറത്തുവിടുമെന്ന് ഹരിയാനയുടെ ചുമതലയുള്ള ഐഎസിസി നേതാവ് ദീപക് ബാബറിയ പ്രഖ്യാപിച്ചിട്ടുണ്ട്.

ഒളിംപിക്സ് അയോഗ്യതയില് മനംനൊന്ത് വിരമിക്കല് പ്രഖ്യാപിച്ച വിനേഷ് ഫോഗട്ട് രാഷ്ട്രീയ രംഗത്തേക്ക് പ്രവേശിക്കുമെന്ന അഭ്യൂഹങ്ങൾ ശക്തമാണ്. എന്നാൽ, രാഷ്ട്രീയ പ്രവേശനത്തെക്കുറിച്ചുള്ള ചോദ്യങ്ങൾക്ക് വിനേഷ് കൃത്യമായ മറുപടി നൽകിയിട്ടില്ല.

താൻ ഇപ്പോഴും ഒരു ആഘാതത്തിലാണെന്നും മനസ്സ് ശാന്തമായശേഷം എല്ലാവരുമായി കൂടിയാലോചിച്ച് ഉചിതമായ തീരുമാനമെടുക്കുമെന്നുമാണ് അവർ പറഞ്ഞത്. ബിജെപി നേതാവും ഗുസ്തി ഫെഡറേഷന് മുന് അധ്യക്ഷനുമായിരുന്ന ബ്രിജ് ഭൂഷണ് ചരണ് സിംഗിനെതിരായ ലൈംഗികാതിക്രമ പരാതിയില് നീതിക്കായി സമരം ചെയ്ത ഗുസ്തി താരങ്ങളുടെ മുന്നിരയിലും വിനേഷും ബജ്റംഗ് പുനിയയും ഉണ്ടായിരുന്നു എന്നത് ശ്രദ്ധേയമാണ്.

പി. ജയരാജൻ ഫ്ലക്സിനെതിരെ എം.വി. ജയരാജൻ

Story Highlights: Wrestlers Vinesh Phogat and Bajrang Punia meet Rahul Gandhi amid speculation of contesting Haryana elections for Congress

ജാതി സെൻസസ് നടപ്പാക്കണം: രാഹുൽ ഗാന്ധി