Vinesh Phogat accuses BJP of injustice, joins Congress for elections

കർഷകരോടും കായികതാരങ്ങളോടും ബിജെപി സർക്കാർ കാണിച്ചത് അന്യായമാണെന്ന് വിനേഷ് ഫോഗട്ട് ആരോപിച്ചു. ഹരിയാന നിയമസഭാ തെരഞ്ഞെടുപ്പിൽ നാമനിർദ്ദേശ പത്രിക സമർപ്പിച്ചതോടെ തന്റെ പോരാട്ടം ആരംഭിച്ചതായും നല്ല ഭൂരിപക്ഷത്തോടെ വിജയിക്കുമെന്ന ആത്മവിശ്വാസവും അവർ പ്രകടിപ്പിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജനങ്ങളുടെ ശബ്ദമാകാനും കർഷകരുടെ പ്രശ്നങ്ങൾ പരിഹരിക്കാനുമാണ് തങ്ങൾ പ്രയത്നിക്കുന്നതെന്ന് വിനേഷ് ട്വന്റിഫോറിനോട് പറഞ്ഞു. രാജ്യത്തെ അന്നദാതാക്കളായ കർഷകരെ ബഹുമാനിക്കണമെന്നും നീതി നടപ്പാക്കാനുള്ള പ്രവർത്തനങ്ങളാണ് നടത്തുന്നതെന്നും വിനേഷ് ഫോഗട്ട് വ്യക്തമാക്കി.

കോൺഗ്രസ് സ്ഥാനാർത്ഥിയായി ജുലാന മണ്ഡലത്തിൽ നിന്നാണ് അവർ ജനവിധി തേടുന്നത്. ഡൽഹി എഐസിസി ആസ്ഥാനത്ത് നടന്ന ചടങ്ങിലാണ് വിനേഷ് ഫോഗട്ടും ബജ്റംഗ് പുനിയയും കോൺഗ്രസിൽ ചേർന്നത്.

ബജ്റംഗ് പുനിയയെ കിസാൻ കോൺഗ്രസ് വർക്കിംഗ് ചെയർമാനായും തെരഞ്ഞെടുത്തു. ഒളിമ്പിക്സുമായി ബന്ധപ്പെട്ട ചോദ്യങ്ങൾ തന്റെ മനസ്സ് വേദനിപ്പിക്കുമെന്ന് വിനേഷ് ഫോഗട്ട് പറഞ്ഞു.

കഴിഞ്ഞദിവസം ഇന്ത്യൻ ഒളിമ്പിക് അസോസിയേഷൻ അധ്യക്ഷ പി ടി ഉഷയ്ക്കെതിരെ അവർ രംഗത്തെത്തിയിരുന്നു. പാരിസ് ഒളിമ്പിക്സിനിടെ ആശുപത്രിയിലായ തന്നെ കാണാൻ എത്തിയ പി ടി ഉഷ സമ്മതമില്ലാതെയാണ് ഫോട്ടോ എടുത്തതെന്നും യാതൊരുവിധ സഹായവും നൽകിയില്ലെന്നും സംഭവം രാഷ്ട്രീയവൽക്കരിക്കാനാണ് ശ്രമിച്ചതെന്നും വിനേഷ് ഫോഗട്ട് വിമർശിച്ചു.

ഉയരം കുറഞ്ഞവരുടെ ടീം ലിറ്റിൽ പീപ്പിൾ സ്പോർട്സ് ക്ലബ്ബ് ഏരീസ് കൊല്ലം സെയിലേഴ്സുമായി സൗഹൃദ മത്സരത്തിനിറങ്ങി

Story Highlights: Vinesh Phogat accuses BJP government of injustice towards farmers and athletes, joins Congress party

ഏഷ്യാ കപ്പ് ഹോക്കി: കൊറിയയെ തകർത്ത് ഇന്ത്യക്ക് കിരീടം, ലോകകപ്പ് യോഗ്യത