Vinayan seeks B Unnikrishnan's removal from Cinema Policy Committee

കൊച്ചി: സിനിമാ നയ രൂപീകരണ സമിതിയില് നിന്ന് ബി ഉണ്ണികൃഷ്ണനെ ഒഴിവാക്കണമെന്നാവശ്യപ്പെട്ട് സംവിധായകന് വിനയന് ഹൈക്കോടതിയെ സമീപിച്ചു. തൊഴില് നിഷേധത്തിന് കോമ്പറ്റീഷന് കമ്മീഷന് പിഴയിട്ട വ്യക്തിയെ സമിതിയില് ഉള്പ്പെടുത്തരുതെന്നാണ് വിനയന്റെ ആവശ്യം. എന്നാല്, സമിതിയില് നിന്ന് ഒഴിവാക്കണമെന്ന് സര്ക്കാരിനോട് താന് തന്നെ ആവശ്യപ്പെട്ടതായി ബി ഉണ്ണികൃഷ്ണന് പ്രതികരിച്ചു. നേരത്തെ സമിതിയില് ഉണ്ണികൃഷ്ണന്റെ പേര് ഉള്പ്പെട്ടതില് വിനയന് ഉള്പ്പെടെ വിമര്ശനം ഉന്നയിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതേസമയം, താര സംഘടനയായ അമ്മയുടെ പ്രവര്ത്തനം തൊഴിലാളി സംഘടന രൂപത്തിലേക്ക് മാറ്റാന് സഹായം ആവശ്യപ്പെട്ട് ഇരുപതോളം അംഗങ്ങള് സമീപിച്ചതായി ഫെഫ്ക ജനറല് സെക്രട്ടറി ബി ഉണ്ണികൃഷ്ണന് വെളിപ്പെടുത്തി. ഫെഫ്കയില് അഫിലിയേഷന് വേണമെന്ന് ഇവര് ആവശ്യപ്പെട്ടെങ്കിലും അത് സാധ്യമല്ലെന്ന് അറിയിച്ചതായും അദ്ദേഹം പറഞ്ഞു. എന്നാല് അമ്മയുടെ ഭാരവാഹികളായ ആരും ഫെഫ്കയെ സമീപിച്ചിട്ടില്ലെന്ന് മുന് വൈസ് പ്രസിഡന്റ് ജയന് ചേര്ത്തല പ്രതികരിച്ചു.

നേരത്തെ ഹേമ കമ്മിറ്റി റിപ്പോര്ട്ട് വിവാദമായതിന് പിന്നാലെ അമ്മയുടെ എക്സിക്യൂട്ടീവ് കമ്മിറ്റി ഒന്നാകെ രാജിവച്ചിരുന്നു. തുടര്ന്ന് അമ്മയില് ചേരിതിരിവ് രൂക്ഷമാണെന്ന വാര്ത്തകള് പുറത്തുവന്നു. അമ്മ ചാരിറ്റബിള് സോസൈറ്റി ആക്ട് പ്രകാരം റജിസ്റ്റര് ചെയ്ത സംഘടനയാണെന്നും, അതില് നിന്ന് ഒരു വിഭാഗം തൊഴിലാളി സംഘടനയായി മാറ്റണമെന്ന ആവശ്യം ഉന്നയിച്ചതായും റിപ്പോര്ട്ടുകള് സൂചിപ്പിക്കുന്നു. എന്നാല് അമ്മ ചാരിറ്റബിള് പ്രസ്ഥാനമായി തന്നെ തുടരുമെന്നും പുതിയ ഭാരവാഹികളെ തെരഞ്ഞെടുക്കുകയാണ് അടുത്ത ലക്ഷ്യമെന്നും ജയന് ചേര്ത്തല വ്യക്തമാക്കി.

എം വി ഗോവിന്ദൻ എമ്പുരാൻ ചിത്രത്തെ പ്രശംസിച്ചു

Story Highlights: Director Vinayan approaches High Court to remove B Unnikrishnan from Cinema Policy Formation Committee due to competition commission fine for job denial.

അമ്മയും പ്രൊഡ്യൂസേഴ്സ് അസോസിയേഷനും തമ്മിലുള്ള തർക്കം നിയമയുദ്ധത്തിലേക്ക്