Vikrant Massey Clarifies Retirement Rumors, Plans Break

വിക്രാന്ത് മാസിയുടെ അഭിനയ വിരമിക്കൽ: തെറ്റിദ്ധാരണ നീക്കി താരം

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2025-ന് ശേഷം അഭിനയത്തിൽ നിന്ന് വിരമിക്കുമെന്ന വാർത്തയിൽ വീണ്ടും പ്രതികരണവുമായി നടൻ വിക്രാന്ത് മാസി രംഗത്തെത്തി. സോഷ്യൽ മീഡിയയിൽ പോസ്റ്റ് ചെയ്ത തന്റെ വാക്കുകൾ ആളുകൾ തെറ്റായി വ്യാഖ്യാനിച്ചുവെന്നാണ് താരം ഇപ്പോൾ വ്യക്തമാക്കുന്നത്. “ഞാൻ റിട്ടയർ ചെയ്യുന്നില്ല. ഒരു നീണ്ട ഇടവേള വേണം. വീട് വല്ലാതെ മിസ് ചെയ്യുന്നു, ആരോഗ്യവും ശ്രദ്ധിക്കണം… ആളുകൾ ഞാൻ പറഞ്ഞത് തെറ്റിദ്ധരിച്ചതാണ്” എന്ന് വിക്രാന്ത് മാസി സ്വകാര്യ മാധ്യമത്തോട് തന്റെ നിലപാട് വിശദീകരിച്ചു.

നടൻ വിക്രാന്ത് മാസി അഭിനയത്തിൽ നിന്ന് വിരമിക്കുന്നു എന്ന വാർത്തയ്ക്ക് കഴിഞ്ഞ ദിവസം ഇടവരുത്തിയത് അദ്ദേഹത്തിന്റെ ഒരു ഇൻസ്റ്റഗ്രാം പോസ്റ്റ് തന്നെയായിരുന്നു. “അടുത്ത വർഷത്തോടെ വിരമിക്കാനാണ് പ്ലാൻ. നിങ്ങളുടെ മായാത്ത പിന്തുണയ്ക്ക് ഞാൻ ഓരോരുത്തർക്കും നന്ദി പറയുന്നു” എന്നും “ഭർത്താവ്, അച്ഛൻ, മകൻ എന്നീ നിലകളിൽ വീണ്ടും പ്രവർത്തിക്കാനുള്ള സമയമായി” എന്നും അദ്ദേഹം ഇൻസ്റ്റഗ്രാമിൽ കുറിച്ചിരുന്നു. “എക്കാലവും കടപ്പെട്ടിരിക്കുന്നു” എന്ന് അദ്ദേഹം കുറിപ്പിന്റെ അവസാനം കൂട്ടിച്ചേർത്തിരുന്നു.

‘കളങ്കാവൽ’ ധീരമായ പരീക്ഷണം; മമ്മൂട്ടിയെ പ്രശംസിച്ച് മന്ത്രി വി. ശിവൻകുട്ടി

#image1#

എന്നാൽ, ഈ പോസ്റ്റ് വലിയ ചർച്ചകൾക്ക് വഴിവച്ചതോടെയാണ് വിക്രാന്ത് മാസി വീണ്ടും വിശദീകരണവുമായി രംഗത്തെത്തിയത്. താൻ അഭിനയം വിടുന്നില്ലെന്നും വെറും ഇടവേള മാത്രമാണ് ആവശ്യമെന്നും അദ്ദേഹം വ്യക്തമാക്കി. കുടുംബത്തിനും ആരോഗ്യത്തിനും കൂടുതൽ സമയം നൽകാനുള്ള തീരുമാനമാണിതെന്ന് താരം പറഞ്ഞു. ഇതോടെ, വിക്രാന്ത് മാസിയുടെ ആരാധകർക്ക് ആശ്വാസമായിരിക്കുകയാണ്. അഭിനയത്തിൽ നിന്ന് വിട്ടുനിൽക്കുന്നതിനെക്കുറിച്ചുള്ള അഭ്യൂഹങ്ങൾക്ക് താരം തന്നെ വിരാമമിട്ടിരിക്കുകയാണ്.

Story Highlights: Vikrant Massey clarifies he’s not retiring from acting, just taking a break

രൺവീർ സിങ്ങിന്റെ ‘ധുരന്ധർ’: പ്രീ-ബുക്കിംഗിൽ നേട്ടമില്ലാതെ ചിത്രം