Vijil Murder Case: Crucial Turn as Friends' Buried Shoe Found

**Kozhikode◾:** കോഴിക്കോട് വെസ്റ്റ് ഹിൽ ചുങ്കം സ്വദേശി വിജിലിന്റെ കൊലപാതകത്തിൽ നിർണായക വഴിത്തിരിവ്. കാണാതായ വിജിലിന്റെ ഷൂ സുഹൃത്തുക്കൾ കുഴിച്ചിട്ട നിലയിൽ കണ്ടെത്തി. സരോവരം പാർക്കിന് സമീപമുള്ള ചതുപ്പിൽ നടത്തിയ തെരച്ചിലിലാണ് ഷൂ ലഭിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വെസ്റ്റ്ഹിൽ സ്വദേശി വിജിലിന്റെ വുഡ്ലാൻഡ് ഷൂ എലത്തൂർ പൊലീസ് വൈകിട്ടോടെ ചതുപ്പിൽ നിന്ന് കണ്ടെടുത്തു. രണ്ട് പ്രതികളും ഇത് വിജിലിന്റെ ഷൂ ആണെന്ന് സമ്മതിച്ചിട്ടുണ്ട്. എന്നാൽ, കഴിഞ്ഞ ആഴ്ച സരോവരം പാർക്കിനോട് ചേർന്ന് ചതുപ്പ് നിലത്ത് വെള്ളം വറ്റിച്ചും മണ്ണ് നീക്കിയും നടത്തിയ പരിശോധനയിൽ ഷൂ കണ്ടെത്താനായിരുന്നില്ല.

മഴയെ തുടർന്ന് ചതുപ്പിൽ ജലനിരപ്പ് രണ്ട് മീറ്റർ വരെ ഉയർന്നതിനെ തുടർന്ന് തിരച്ചിൽ നിർത്തിവെച്ചിരുന്നു. കണ്ടെത്തിയ ഷൂ വിദഗ്ധ പരിശോധനയ്ക്ക് അയക്കുമെന്ന് എലത്തൂർ SHO രഞ്ജിത് അറിയിച്ചു.

വിജിലിനെ 2019 മാർച്ചിലാണ് കാണാതായത്. ലഹരി ഉപയോഗത്തിനിടെ വിജിൽ മരിച്ചെന്നും പിന്നീട് മൃതദേഹം സരോവരത്ത് ചതുപ്പിൽ കെട്ടിത്താഴ്ത്തിയെന്നുമാണ് പ്രതികൾ മൊഴി നൽകിയിരിക്കുന്നത്. ഈ കേസിൽ നിലവിൽ മൂന്ന് പ്രതികളാണുള്ളത്.

രണ്ടാം പ്രതിയായ രഞ്ജിത്തിനായി പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചിട്ടുണ്ട്. ഒരാൾ കൂടി കേസിൽ പിടിയിലാകാനുണ്ട്.

മലപ്പുറം തെയ്യാല കവർച്ച: പ്രതിഫലം ഒളിപ്പിച്ചത് പട്ടിക്കൂട്ടിൽ

അധികൃതർ അറിയിച്ചത് അനുസരിച്ച്, സംഭവ സ്ഥലത്ത് നാളെയും പരിശോധന തുടരും.

Story Highlights: Missing shoe of Vijil, a West Hill native, was found buried by friends near Sarovaram Park in Kozhikode, marking a crucial turn in the murder case.

കേരള പോലീസ് പാർട്ടിക്ക് വേണ്ടി പ്രവർത്തിക്കുന്നു; ദാസ്യവേല അവസാനിപ്പിക്കണമെന്ന് ചെന്നിത്തല