Vijay Deverakonda's 'Kingdom' Teaser Released

മെയ് 30ന് തിയറ്ററുകളിലെത്തുന്ന കിങ്ഡം എന്ന ചിത്രത്തിന്റെ ടീസർ പുറത്തിറങ്ങി. ആക്ഷൻ ത്രില്ലർ വിഭാഗത്തിൽപ്പെടുന്ന ഈ ചിത്രം വിജയ് ദേവരകൊണ്ടയുടെ പന്ത്രണ്ടാമത്തെ ചിത്രമാണ്. ടീസറിലെ വിജയ് ദേവരകൊണ്ടയുടെ ലുക്ക് ആരാധകരുടെ ശ്രദ്ധ പിടിച്ചുപറ്റിയിരിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തമിഴ്, തെലുങ്ക്, ഹിന്ദി ഭാഷകളിലാണ് ചിത്രം റിലീസിനെത്തുക. ഭാഗ്യശ്രീ ബോർസെയാണ് ചിത്രത്തിലെ നായിക. ഗൗതം തിന്നനുരിയാണ് ചിത്രത്തിന്റെ സംവിധാനം.

ശ്രീകര സ്റ്റുഡിയോസ്, സിതാര എന്റർടെയ്ൻമെന്റ്സ്, ഫോർച്യൂൺ ഫോർ സിനിമാസ് എന്നിവയുടെ ബാനറിലാണ് ചിത്രം നിർമ്മിക്കുന്നത്. ചിത്രത്തിനു വേണ്ടി വിജയ് ദേവരകൊണ്ട നടത്തിയ കഠിന പരിശീലനങ്ങളുടെ വീഡിയോ സമൂഹമാധ്യമങ്ങളിൽ വൈറലായിരുന്നു. ‘ഐസ് ബാത്ത്’ പോലുള്ള കഠിന പരിശീലനങ്ങൾക്കാണ് വിജയ് വിധേയനായത്.

ഈ ചിത്രം വിജയ് ദേവരകൊണ്ടയുടെ തിരിച്ചുവരവായിരിക്കുമെന്നാണ് ആരാധകരുടെ പ്രതീക്ഷ. അനിരുദ്ധ് രവിചന്ദറാണ് ചിത്രത്തിന്റെ സംഗീത സംവിധായകൻ. ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് കിങ്ഡം.

വളരെ പെട്ടെന്ന് ആരാധകരുടെ മനം കവർന്ന നടനാണ് വിജയ് ദേവരകൊണ്ട. കിങ്ഡം എന്ന ചിത്രത്തിലൂടെ വീണ്ടും പ്രേക്ഷകരുടെ മുന്നിലെത്താൻ ഒരുങ്ങുകയാണ് താരം. ഈ ചിത്രം വിജയ് ദേവരകൊണ്ടയുടെ ശക്തമായ തിരിച്ചുവരവായിരിക്കുമെന്ന് ആരാധകർ പ്രതീക്ഷിക്കുന്നു.