വേണു മാധവൻ എന്ന സീനിയർ കാറ്റഗറി പവർ ലിഫ്റ്റർ സാധാരണക്കാരനല്ല. 54 വയസ്സുള്ള ഈ മരത്തടി സ്വദേശി സംസ്ഥാന തലത്തിൽ സ്വർണ്ണ മെഡൽ നേടിയിട്ടുണ്ട്. ദേശീയ ക്ലാസിക്ക് പവർ ലിഫ്റ്റിങ് ചാമ്പ്യൻഷിപ്പിൽ വെങ്കലവും കരസ്ഥമാക്കിയിട്ടുണ്ട്.
ഈ വർഷം മെയ് മാസം മഹാരാഷ്ട്ര ഖേൽ അസോസിയേഷന്റെ ചാമ്പ്യൻഷിപ്പിൽ രണ്ട് സ്വർണ്ണം നേടിയ വേണു, ഒൻപത് കീമോയും 29 റേഡിയേഷനും കഴിഞ്ഞ് ആർസിസിയ്ക്കും ജിമ്മിനുമിടയിൽ തളരാതെ മുന്നോട്ട് പോകുന്ന അസാധാരണ വ്യക്തിത്വമാണ്. പത്ത് വർഷം മുമ്പ് ബ്ലഡ് കാൻസർ എന്ന അതിഥി വേണുവിന്റെ ജീവിതത്തിലേക്ക് കടന്നുവന്നു. എന്നാൽ അർബുദത്തെ ആത്മവിശ്വാസത്തോടെ നേരിട്ട വേണു, പവർ ലിഫ്റ്റിങ്ങിൽ ദേശീയ റെക്കോഡുകൾ വാരിക്കൂട്ടി ജീവിതം തിരിച്ചുപിടിച്ചു.
ചെറുപ്പം മുതലേ പവർ ലിഫ്റ്റിങ്ങിൽ താൽപര്യമുണ്ടായിരുന്ന വേണു, പ്രീഡിഗ്രി പഠനകാലം മുതൽ ഈ മേഖലയിൽ സജീവമായിരുന്നു. 2014 ഒക്ടോബറിൽ തിരുവന്തപുരത്തെ ഒരു ജിമ്മിൽ പരിശീലനത്തിനിടെയാണ് രോഗം കണ്ടെത്തിയത്. രക്താർബുദം മൂന്നാം ഘട്ടത്തിൽ നിന്ന് നാലാം ഘട്ടത്തിലേക്ക് കടന്നതായി കണ്ടെത്തി.
കെ. എം. മാണി മന്ത്രിയായിരുന്ന സമയത്തെ കാരുണ്യാ പദ്ധതിയിലൂടെ രണ്ടര ലക്ഷം രൂപ സഹായം ലഭിച്ചതിന്റെ നന്ദിസൂചകമായി വേണു കാരുണ്യ ലോട്ടറി സ്ഥിരമായി എടുക്കാൻ തുടങ്ങി.
90 വയസുവരെ സജീവമായി എല്ലാം ചെയ്യാൻ സാധിക്കണമെന്ന ആത്മവിശ്വാസത്തോടെ മുന്നോട്ട് പോകുന്ന വേണു, ചെന്നൈ വിശ്വ ഹിന്ദു വിദ്യാ കേന്ദ്രത്തിലെ വേദ പഠന വിഭാഗത്തിന്റെ ചുമതലക്കാരൻ കൂടിയാണ്. ഒക്ടോബറിൽ കർണാടകയിൽ അടുത്ത മത്സരത്തിനായി ഒരുങ്ങുകയാണ് ഈ പ്രചോദനാത്മകമായ വ്യക്തിത്വം.
Story Highlights: Cancer survivor Venu Madhavan’s inspiring journey as a senior powerlifter
ദേശീയ പവർലിഫ്റ്റിംഗ് ചാമ്പ്യൻഷിപ്പ് കോഴിക്കോട് ആരംഭിച്ചു. കേരള സ്റ്റേറ്റ് പവർലിഫ്റ്റിംഗ് അസോസിയേഷനും കോഴിക്കോട് Read more
തമിഴ് നടൻ സൂരി തന്റെ ജീവിതത്തെക്കുറിച്ച് സോഷ്യൽ മീഡിയയിൽ പങ്കുവച്ച വീഡിയോ വൈറലായി. Read more
