ഇരുപത് വർഷങ്ങൾക്ക് ശേഷം ഷാരൂഖ് ഖാൻ – പ്രീതി സിന്റ ചിത്രം വീർ സാറ 100 കോടി ക്ലബ്ബിൽ കയറി. 2004-ൽ പുറത്തിറങ്ങിയ ഈ ചിത്രം ഈ വർഷം ഫെബ്രുവരിയിലും സെപ്റ്റംബറിലും റീ റിലീസ് ചെയ്തിരുന്നു. സെപ്തംബർ 13-ന് വീണ്ടും റിലീസ് ചെയ്ത ചിത്രം ഏഴ് ദിവസം കൊണ്ട് 1.57 കോടി രൂപ നേടി. ഇതോടെ ചിത്രത്തിന്റെ ആജീവനാന്ത കളക്ഷൻ 100 കോടി രൂപയായി ഉയർന്നു.
ആഗോളതലത്തിൽ ചിത്രം ഇതുവരെ നേടിയിരിക്കുന്നത് 102.60 കോടിയാണ്. 2004-ൽ റിലീസ് ചെയ്തപ്പോൾ 98 കോടി ഗ്രോസ് നേടാൻ ചിത്രത്തിന് കഴിഞ്ഞിരുന്നു. ഈ വർഷം ഫെബ്രുവരിയിൽ വാലന്റൈൻസ് വീക്കിൽ ചിത്രം വീണ്ടും പ്രദർശിപ്പിച്ചപ്പോൾ സിനിമ 30 ലക്ഷം രൂപ കളക്ഷൻ നേടി. ഇപ്പോൾ 282 സ്‌ക്രീനുകളിൽ റീ റിലീസ് ചെയ്ത ചിത്രം ഒരാഴ്ചകൊണ്ട് 1.8 കോടി രൂപ കൂടി നേടി.
ഷാരൂഖ് ഖാനെ കൂടാതെ റാണി മുഖർജി, പ്രീതി സിന്റ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരുന്നു. ആദിത്യ ചോപ്ര തിരക്കഥയെഴുതി സംവിധാനം ചെയ്ത ചിത്രം നിർമിച്ചത് യാഷ് ചോപ്രയാണ്. ഇരുപത് വർഷങ്ങൾക്ക് ശേഷവും പ്രേക്ഷകർ ഈ ചിത്രത്തെ ഏറെ സ്നേഹത്തോടെ സ്വീകരിച്ചതിന്റെ തെളിവാണ് ഈ വിജയം.
Story Highlights: Shah Rukh Khan and Preity Zinta’s ‘Veer-Zaara’ enters 100 crore club after 20 years with successful re-releases
