Veena George in Delhi to discuss ASHA worker demands with JP Nadda

കേന്ദ്ര ആരോഗ്യ മന്ത്രി ജെ. പി. നഡ്ഡയുമായി കൂടിക്കാഴ്ച നടത്താനായി ആരോഗ്യ മന്ത്രി വീണാ ജോർജ് ഡൽഹിയിലെത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആശാ വർക്കർമാരുടെ ഇൻസെന്റീവ് വർധന ഉൾപ്പെടെയുള്ള ആവശ്യങ്ങൾ കേന്ദ്ര മന്ത്രിയുടെ മുമ്പാകെ ഉന്നയിക്കുമെന്ന് മന്ത്രി വ്യക്തമാക്കി. കൂടാതെ, കേരളത്തിന് എയിംസ് അനുവദിക്കണമെന്ന ആവശ്യവും മന്ത്രി ഉന്നയിക്കും. ആശാ വർക്കർമാരുമായി നടത്തിയ ചർച്ച പരാജയപ്പെട്ടതിന് പിന്നാലെയാണ് മന്ത്രി ഡൽഹിയിലേക്ക് തിരിച്ചത്.

കാസർകോഡ്, വയനാട് എന്നിവിടങ്ങളിൽ മെഡിക്കൽ കോളേജുകൾ സ്ഥാപിക്കുന്നതിന് കേന്ദ്ര സഹായം തേടുമെന്നും മന്ത്രി അറിയിച്ചു. ആശാ കേന്ദ്ര സ്കീമിന്റെ മാർഗ്ഗരേഖയിൽ മാറ്റങ്ങൾ വരുത്തണമെന്നും മന്ത്രി കേന്ദ്രത്തോട് ആവശ്യപ്പെടും. കൂടിക്കാഴ്ചയ്ക്ക് അനുമതി ലഭിച്ചാൽ കേരളത്തിന്റെ ആവശ്യങ്ങൾ നേരിട്ട് കേന്ദ്ര മന്ത്രിയെ അറിയിക്കുമെന്ന് വീണാ ജോർജ് പറഞ്ഞു.

ഇല്ലെങ്കിൽ മറ്റൊരു ദിവസം കൂടിക്കാഴ്ചയ്ക്ക് സമയം തേടുകയോ നിവേദനം നൽകി മടങ്ങുകയോ ചെയ്യും. പദ്ധതി സംബന്ധിച്ച കണക്കുകൾ നിയമസഭയിൽ വെച്ചിട്ടുണ്ടെന്നും മന്ത്രി വ്യക്തമാക്കി. ആശാ വർക്കർമാരുടെ ഓണറേറിയം വർധിപ്പിച്ചാൽ മതിയെന്നാണ് അവരുടെ പ്രസ്താവനയിൽ നിന്ന് വ്യക്തമാകുന്നതെന്നും മന്ത്രി ചൂണ്ടിക്കാട്ടി.

തിരുവനന്തപുരം എസ്.എ.ടി. ആശുപത്രിയിൽ യുവതി മരിച്ച സംഭവം; മന്ത്രി റിപ്പോർട്ട് തേടി

ജെ. പി. നഡ്ഡയുമായി കൂടിക്കാഴ്ചയ്ക്ക് സമയം തേടിയിട്ടുണ്ടെന്നും മന്ത്രി അറിയിച്ചു.

Story Highlights: Kerala Health Minister Veena George met with Union Health Minister JP Nadda in Delhi to discuss various demands, including an incentive increase for ASHA workers and the establishment of an AIIMS in Kerala.