Vatican Commission Urges Swift Action Against Abusive Priests

കുട്ടികൾക്കെതിരെ ലൈംഗിക അതിക്രമം കാട്ടുന്ന പുരോഹിതരെ വേഗത്തിൽ നീക്കം ചെയ്യാൻ കഴിയണമെന്ന് വത്തിക്കാൻ കമ്മിഷൻ ആവശ്യപ്പെട്ടു. 2014-ൽ ഫ്രാൻസിസ് മാർപാപ്പ രൂപം നൽകിയ കുട്ടികളുടെ അവകാശ സംരക്ഷണ കമ്മിഷന്റെ ആദ്യ റിപ്പോർട്ടിലാണ് ഈ നിർദേശം ഉൾപ്പെടുത്തിയിരിക്കുന്നത്. യുഎസ് കർദിനാൾ സീൻ ഒ മാലിയുടെ നേതൃത്വത്തിൽ, ലൈംഗിക അതിക്രമങ്ങളെ അതിജീവിച്ച നിരവധി പേരുമായി സംസാരിച്ച് ഒരു പതിറ്റാണ്ടോളം നീണ്ട അന്വേഷണത്തിനൊടുവിലാണ് റിപ്പോർട്ട് തയ്യാറാക്കിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇത്തരം കാര്യങ്ങളിൽ വീഴ്ച വരുത്തിയ ഇരുണ്ട കാലഘട്ടം അകലുകയാണെന്നും കമ്മിഷൻ വ്യക്തമാക്കി. അതിജീവിതർക്ക് കരുത്തും കരുതലും നൽകി ഇരുട്ടിലേക്ക് വെളിച്ചം വിതറുമെന്ന് കമ്മിഷൻ പ്രഖ്യാപിച്ചു. കുട്ടികൾക്കെതിരായ ലൈംഗിക അതിക്രമങ്ങൾ തടയുന്നതിനുള്ള നയങ്ങളും നടപടിക്രമങ്ങളും ചട്ടങ്ങളും വിശദീകരിച്ചുകൊണ്ടാണ് 50 പേജുള്ള റിപ്പോർട്ട് തയാറാക്കിയിരിക്കുന്നത്.

സഭയുമായി ബന്ധപ്പെട്ട ലൈംഗിക പീഡന പരാതികൾ ആഗോളതലത്തിൽ ചർച്ചയായപ്പോൾ നടപടി സ്വീകരിക്കാത്തതിനെതിരെ കമ്മിഷൻ നിരവധി വിമർശനങ്ങളും നേരിട്ടിരുന്നു. ലൈംഗിക പീഡന പരാതികൾ ഉന്നയിക്കാനും നടപടിയെടുക്കാനും വിവിധ പ്രദേശങ്ങളിലുള്ള വെല്ലുവിളികളും റിപ്പോർട്ടിൽ അടിവരയിടുന്നുണ്ട്. മെക്സികോ, ബെൽജിയം തുടങ്ങിയ രാജ്യങ്ങളിൽ ലൈംഗിക പീഡന പരാതികൾ അധികൃതരോട് റിപ്പോർട്ട് ചെയ്യാൻ അതിജീവിതർ ബുദ്ധിമുട്ട് നേരിടുന്നുണ്ടെന്ന് കമ്മിഷൻ കണ്ടെത്തി.

താമരശ്ശേരി പോലീസ് സ്റ്റേഷനിൽ വെടിപൊട്ടി: വനിതാ പോലീസിന് പരിക്ക്

അതിജീവിതരുടെ അന്തസിനേക്കാൾ പള്ളിയുടെയോ സഭയുടെയോ അന്തസ് കണക്കാക്കുന്ന രീതിയും വലിയ വെല്ലുവിളിയാണെന്ന് റിപ്പോർട്ടിൽ ചൂണ്ടിക്കാട്ടുന്നു. ലൈംഗിക പീഡനത്തിന്റെ വ്യാപ്തിയേക്കാൾ നയപരമായി വിഷയത്തിൽ എന്ത് ചെയ്യാനാകുമെന്നാണ് റിപ്പോർട്ടിലൂടെ ലക്ഷ്യമിടുന്നതെന്ന് സീൻ ഒ മാലി വ്യക്തമാക്കി.

Story Highlights: Vatican commission urges faster action against abusive priests in first report on child protection

കത്തോലിക്കാ സഭയ്ക്കെതിരായ വിവാദ ലേഖനം ആർഎസ്എസ് മുഖപത്രം പിൻവലിച്ചു