Hollywood Actor Val Kilmer Dies at 65

ലോസ് ആഞ്ചല്സില് വച്ച് പ്രശസ്ത ഹോളിവുഡ് നടന് വാല് കില്മര് (65) അന്തരിച്ചു. 1959 ഡിസംബര് 31ന് ലോസ് ഏഞ്ചല്സിലെ ഒരു മധ്യവര്ഗ കുടുംബത്തിലാണ് വാല് എഡ്വേര്ഡ് കില്മര് ജനിച്ചത്. ടോപ്പ് ഗണ്ണിലൂടെയും ബാറ്റ്മാന് ഫോറെവര് എന്നീ ചിത്രങ്ങളിലൂടെയും പ്രേക്ഷകരുടെ മനസ്സില് ഇടം നേടിയ അദ്ദേഹത്തിന്റെ ആകസ്മിക വിയോഗം ലോകമെമ്പാടുമുള്ള സിനിമാപ്രേമികളെ ദുഃഖത്തിലാഴ്ത്തി. ന്യുമോണിയ ബാധയെത്തുടര്ന്നാണ് മരണമെന്ന് മകള് മെഴ്സിഡസ് കില്മര് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹോളിവുഡ് പ്രഫഷനല് സ്കൂളിലും ജൂലിയാര്ഡ് സ്കൂളിലുമായിരുന്നു വിദ്യാഭ്യാസം. 1984-ല് ‘ടോപ്പ് സീക്രട്ട്’ എന്ന ചിത്രത്തിലൂടെയാണ് അഭിനയ രംഗത്തേക്ക് കടന്നുവരുന്നത്. ടോപ്പ് ഗണ്ണിലൂടെയും ബാറ്റ്മാന് ഫോറെവര് എന്നീ ചിത്രങ്ങളിലൂടെയും ശ്രദ്ധേയനായി. 1991-ല് പുറത്തിറങ്ങിയ ‘ദി ഡോര്സ്’ എന്ന ചിത്രത്തിലെ ഗായകന് ജിം മോറിസണിന്റെ വേഷവും വളരെ ശ്രദ്ധിക്കപ്പെട്ടു.

റിയല് ജീനിയസ്, വില്ലോ, ഹീറ്റ്, ദി സെയിന്റ് തുടങ്ങിയ സിനിമകളിലും വാല് കില്മര് അഭിനയിച്ചിട്ടുണ്ട്. 2014-ല് കാന്സര് ബാധിതനായെങ്കിലും പിന്നീട് സുഖം പ്രാപിച്ചിരുന്നു. എന്നാല്, കാന്സര് ശസ്ത്രക്രിയയെത്തുടര്ന്ന് അദ്ദേഹത്തിന്റെ സംസാരശേഷി നഷ്ടപ്പെട്ടിരുന്നു. ഈ അവസ്ഥ അദ്ദേഹത്തിന്റെ അഭിനയ ജീവിതത്തെ ഒരു പരിധിവരെ ബാധിച്ചു.

രമേശ് ചെന്നിത്തലയുടെ മാതാവ് എൻ. ദേവകിയമ്മ അന്തരിച്ചു

2022-ല് ടോം ക്രൂയിസിന്റെ ‘ടോപ്പ് ഗണ്ണ്: മാവെറിക്ക്’ എന്ന ചിത്രത്തിലൂടെ വാല് കില്മര് വീണ്ടും തിരിച്ചുവരവ് നടത്തി. 1988-ല് ബ്രിട്ടീഷ് നടി ജോവാന് വാലിയെ വിവാഹം കഴിച്ചു. ജോവാന് വാലിക്കൊപ്പം ഫാന്റസി ചിത്രമായ വില്ലോയിലും ക്രൈം ത്രില്ലര് കില് മി എഗെയ്നിലും അഭിനയിച്ചിട്ടുണ്ട്. ഇരുവര്ക്കും രണ്ട് കുട്ടികളാണുള്ളത്.

ചൊവ്വാഴ്ചയാണ് വാല് കില്മര് ലോസ് ഏഞ്ചല്സില് വച്ച് അന്തരിച്ചത്. “കാണാം സുഹൃത്തേ. ഞാന് നിന്നെ മിസ്സ് ചെയ്യാന് പോകുന്നു” എന്നാണ് അമേരിക്കന് നടന് ജോഷ് ബ്രോലിന് കില്മറിന്റെ മരണത്തില് അനുശോചിച്ചത്. “നീ മിടുക്കനും, ധീരനും, മികച്ച സര്ഗ്ഗാത്മക ചിന്താഗതിക്കാരനുമാണ്. അവ എവിടേയും മാഞ്ഞു പോകില്ല,” എന്നും അദ്ദേഹം കൂട്ടിച്ചേര്ത്തു.

Story Highlights: Val Kilmer, known for his roles in movies like Batman Forever and Top Gun, passed away at 65 due to pneumonia.

ജി. ശങ്കരക്കുറുപ്പിന്റെ മകൾ രാധ അന്തരിച്ചു

പ്രശസ്ത സ്റ്റണ്ട് മാസ്റ്റർ മലേഷ്യ ഭാസ്കർ അന്തരിച്ചു