Vizhinjam Port: Minister V N Vasavan highlights economic potential

വിഴിഞ്ഞം തുറമുഖം വഴി വാണിജ്യ തൊഴിൽ മേഖലയിൽ വലിയ സാധ്യതകളാണ് വരാനിരിക്കുന്നതെന്ന് മന്ത്രി വി എൻ വാസവൻ പ്രസ്താവിച്ചു. മുഖ്യമന്ത്രി പിണറായി വിജയന്റെ നേതൃത്വത്തിലുള്ള സർക്കാരാണ് വിഴിഞ്ഞം പദ്ധതി ഈ നിലയിലേക്ക് എത്തിച്ചതെന്നും, നിരവധി സമരങ്ങളെ നിശ്ചയദാർഢ്യത്തോടെ മറികടക്കാൻ സർക്കാരിന് കഴിഞ്ഞുവെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ട്രയൽ റൺ ഉദ്ഘാടന വേദിയിൽ വെച്ച് മന്ത്രി സംസാരിക്കുകയായിരുന്നു. ചരിത്രനിമിഷത്തിനാണ് വിഴിഞ്ഞം സാക്ഷിയാകുന്നതെന്നും, ഏറെ അഭിമാനത്തോടെയാണ് മദർഷിപ്പിനെ കേരളം സ്വീകരിച്ചിരിക്കുന്നതെന്നും അദ്ദേഹം പറഞ്ഞു.

വരും ദിവസങ്ങളിൽ 400 മീറ്റർ നീളമുള്ള മദർ ഷിപ് എത്തുമെന്നും അദ്ദേഹം അറിയിച്ചു. ഒരു സർക്കാരിന്റെ ഇച്ഛാശക്തി എന്തെന്ന് പിണറായി സർക്കാർ തെളിയിച്ചിരിക്കുന്നുവെന്ന് മന്ത്രി അഭിപ്രായപ്പെട്ടു.

ഇതിനേക്കാൾ വലിയ കപ്പലുകളെ സ്വീകരിക്കാനുള്ള ശേഷി വിഴിഞ്ഞത്തിനുണ്ടെന്നും, അവശേഷിക്കുന്ന പ്രശ്നങ്ങൾ സർക്കാർ പരിഹരിക്കുമെന്നും അദ്ദേഹം ഉറപ്പു നൽകി. ഇതിനായി കേന്ദ്ര സർക്കാരിന്റെ സഹായം ആവശ്യമാണെന്നും മന്ത്രി അഭ്യർത്ഥിച്ചു.

നിയമസഭയിൽ വാക്പോര്: മന്ത്രി ആർ. ബിന്ദുവും രാഹുൽ മാങ്കൂട്ടത്തിലും തമ്മിൽ

വിഴിഞ്ഞം തുറമുഖത്തിന്റെ പ്രവർത്തന മികവ് എസ്കെഎൻ 40 സംഘം നേരിട്ട് കണ്ടു