Trump's tariffs cause major US stock market decline

യുഎസ് പ്രസിഡന്റ് ഡോണൾഡ് ട്രംപിന്റെ പകരച്ചുങ്ക പ്രഖ്യാപനത്തെത്തുടർന്ന് യുഎസ് ഓഹരി വിപണിയിൽ വൻ ഇടിവ് രേഖപ്പെടുത്തി. 2020ന് ശേഷം ആദ്യമായാണ് വിപണി ഇത്രയും വലിയ ഇടിവ് നേരിടുന്നത്. 1600 പോയിന്റിൽ അധികമാണ് വിപണിയിലെ ഇടിവ്. ആപ്പിളിന്റെ മൂല്യം 310 ബില്യൺ ഡോളർ ഇടിഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യുഎസിൽ നിന്ന് ഇറക്കുമതി ചെയ്യുന്ന ഉൽപ്പന്നങ്ങൾക്ക് ഉയർന്ന തീരുവ ഈടാക്കി അമേരിക്കൻ പണം കൊണ്ട് മറ്റു രാജ്യങ്ങൾ സമ്പന്നരായെന്ന് ട്രംപ് ആരോപിച്ചു. യുഎസിൽ നിന്ന് ഇറക്കുമതി ചെയ്യുന്ന വാഹനങ്ങൾക്ക് കാനഡ 25 ശതമാനം തീരുവ പ്രഖ്യാപിച്ചു. ഒട്ടാവയിൽ നടന്ന പത്രസമ്മേളനത്തിലാണ് കനേഡിയൻ പ്രധാനമന്ത്രി മാർക്ക് കാർണി ഈ പ്രഖ്യാപനം നടത്തിയത്.

ട്രംപിന്റെ നികുതി പ്രഖ്യാപനത്തിനുള്ള പ്രതികാര നടപടിയാണ് കാനഡയുടെ തീരുവ പ്രഖ്യാപനം. ഇന്ത്യയ്ക്ക് മേൽ 26 ശതമാനവും ചൈനയ്ക്ക് 34 ശതമാനവും ഇറക്കുമതി തീരുവ ഈടാക്കുമെന്ന് ട്രംപ് അറിയിച്ചു. യൂറോപ്യൻ യൂണിയന് 20 ശതമാനം തീരുവയും യുകെയ്ക്ക് പത്ത് ശതമാനവും പ്രഖ്യാപിച്ചു.

ജപ്പാന് 24 ശതമാനമാണ് തീരുവ ഏർപ്പെടുത്തിയത്. 10 ശതമാനമുള്ള തീരുവ ഏപ്രിൽ അഞ്ച് മുതലും രാജ്യങ്ങൾക്കുള്ള കൂടിയ തീരുവ ഏപ്രിൽ ഒൻപതിനുമാണ് പ്രാബല്യത്തിൽ വരിക. അമേരിക്കയുടെ സുവർണകാലത്തിലേക്കുള്ള തിരിച്ചുപോക്ക് എന്ന് വിശേഷിപ്പിച്ചുകൊണ്ടാണ് ട്രംപ് വിവിധ രാജ്യങ്ങൾക്കുമേൽ പകരം തീരുവ പ്രഖ്യാപിച്ചത്.

ട്രംപിന്റെ പകരച്ചുങ്കം; ആപ്പിളിന്റെ സ്മാർട്ട് നീക്കം

പകരച്ചുങ്കം യുഎസിന്റെ സമ്പദ് വ്യവസ്ഥയെ ശക്തിപ്പെടുത്തുമെന്നാണ് ട്രംപിന്റെ അവകാശവാദം. അമേരിക്ക സുവർണ കാലഘട്ടത്തിലേക്ക് മടങ്ങുകയാണെന്നും ട്രംപ് വ്യക്തമാക്കി. ഡോണൾഡ് ട്രംപിന്റെ പകരച്ചുങ്ക പ്രഖ്യാപനത്തെ തുടർന്ന് ആപ്പിളിന്റെ മൂല്യം 310 ബില്യൺ ഡോളർ ഇടിഞ്ഞു.

Story Highlights: US stock market experiences significant losses following President Trump’s tariff announcement.

ട്രംപിന്റെ ഭീഷണിക്ക് വഴങ്ങില്ല, അവസാനം വരെ പോരാടുമെന്ന് ചൈന