US Government Shutdown: Trump Warns of Closures and Layoffs

യു.എസ് സർക്കാർ അടച്ചുപൂട്ടലിലേക്ക് നീങ്ങുകയാണെന്ന് പ്രസിഡന്റ് ഡൊണാൾഡ് ട്രംപ് പ്രഖ്യാപിച്ചു. വാർഷിക ധനവിനിയോഗ ബിൽ സെനറ്റിൽ പാസാകാത്തതാണ് ഇതിന് കാരണം. ഇന്ത്യൻ സമയം രാവിലെ 9:30 ഓടെ പല സേവനങ്ങളും നിലയ്ക്കും. അടച്ചുപൂട്ടൽ സംഭവിച്ചാൽ ജീവനക്കാരെ കൂട്ടത്തോടെ പിരിച്ചുവിടേണ്ടി വരുമെന്നും ട്രംപ് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സെനറ്റിൽ ഏഴ് ഡെമോക്രാറ്റുകളുടെ പിന്തുണ ലഭിച്ചില്ലെങ്കിൽ ഫണ്ടിങ് ബിൽ പാസാകില്ലെന്ന് റിപ്പബ്ലിക്കൻ പാർട്ടി വ്യക്തമാക്കി. ബില്ലിൽ കൂട്ടിച്ചേർക്കലുകൾ അനുവദിക്കില്ലെന്നും അവർ അറിയിച്ചു. ഇത് സേവനങ്ങളുടെ അടച്ചുപൂട്ടലിലേക്ക് നയിക്കും. സർക്കാർ ഷട്ട്ഡൗൺ സംഭവിച്ചാൽ അത്യാവശ്യ സേവനങ്ങളൊഴികെ മറ്റെല്ലാ അമേരിക്കൻ സർക്കാർ സേവനങ്ങളും സ്തംഭിക്കും.

2026ന്റെ തുടക്കം വരെയുള്ള ചെലവുകൾക്കായി ഏകദേശം 12 ബില്ലുകൾ പാസാകേണ്ടതുണ്ട്. ആരോഗ്യ സേവന മേഖലയ്ക്കുള്ള ഒബാമ കെയർ സബ്സിഡികൾ ബില്ലിൽ ഉറപ്പാക്കണമെന്ന് ഡെമോക്രാറ്റുകൾ നിർദ്ദേശിച്ചതാണ് തടസ്സമായത്. ഈ നിർദ്ദേശം റിപ്പബ്ലിക്കൻ പാർട്ടിക്ക് സ്വീകാര്യമായിരുന്നില്ല.

ട്രംപിന്റെ ആദ്യ ഭരണകാലത്ത് 2018 ഡിസംബർ മുതൽ 35 ദിവസം നീണ്ട സർക്കാർ ഷട്ട്ഡൗൺ ഉണ്ടായിട്ടുണ്ട്. ഇത് രാജ്യത്തിന്റെ ജിഡിപിയിൽ മൂന്ന് ബില്യൺ ഡോളറിന്റെ നഷ്ടം വരുത്തിവെച്ചു. വീണ്ടും ഒരു അടച്ചുപൂട്ടലിലേക്ക് രാജ്യം നീങ്ങുന്നത് ആശങ്കയുളവാക്കുന്നു.

യുക്രൈന് യുദ്ധം: ഇന്ത്യയും ചൈനയും റഷ്യയെ സഹായിക്കുന്നുവെന്ന് ട്രംപ്

അവശ്യ സേവനങ്ങളൊഴികെ മറ്റെല്ലാ അമേരിക്കൻ സർക്കാർ സേവനങ്ങളും സ്തംഭിക്കുന്ന അവസ്ഥയാണ് സർക്കാർ ഷട്ട്ഡൗൺ. ഇത് രാജ്യത്തിന്റെ സാമ്പത്തിക സ്ഥിതിയെ പ്രതികൂലമായി ബാധിക്കും.

അടച്ചുപൂട്ടൽ ഒഴിവാക്കാൻ ഇരു പാർട്ടികളും തമ്മിൽ സമവായത്തിലെത്താനുള്ള ശ്രമങ്ങൾ തുടരുകയാണ്.

Story Highlights : US government inches closer to shutdown

അമേരിക്കയ്ക്ക് പുറത്തുള്ള സിനിമകൾക്ക് 100% നികുതി ചുമത്തി ട്രംപ്; ബോളിവുഡിന് തിരിച്ചടി