രാഹുൽ ഗാന്ധിയെ ‘പപ്പു’ എന്ന് വിളിച്ച നോയിഡ കളക്ടർ; അക്കൗണ്ട് ഹാക്ക് ചെയ്യപ്പെട്ടെന്ന് വിശദീകരണം

നോയിഡ ജില്ലാ കളക്ടർ മനീഷ് വർമ രാഹുൽ ഗാന്ധിയെ ‘പപ്പു’ എന്ന് വിളിച്ചത് വിവാദമായി. കോൺഗ്രസ് വക്താവ് സുപ്രിയ ശ്രീനേതിന്റെ എക്സ് പോസ്റ്റിന് താഴെയായിരുന്നു കളക്ടറുടെ പ്രതികരണം. “നിങ്ങൾ നിങ്ങളെ കുറിച്ചും നിങ്ങളുടെ പപ്പുവിനെ കുറിച്ചും മാത്രം ചിന്തിക്കുക” എന്നായിരുന്നു കമന്റ്. പേരെടുത്ത് പരാമർശിക്കുന്നില്ലെങ്കിലും രാഹുൽ ഗാന്ധിയെ ഉദ്ദേശിച്ചാണ് കമന്റെന്ന് എല്ലാവർക്കും മനസിലായി.

പവൻ ഖേത്ര, ജയറാം രമേഷ് തുടങ്ങിയ കോൺഗ്രസ് നേതാക്കൾ കലക്ടർക്കെതിരെ രംഗത്തെത്തി. സംഭവം വിവാദമായതോടെ അക്കൗണ്ട് ഹാക്ക് ചെയ്യപ്പെട്ടുവെന്ന വിശദീകരണവുമായി കലക്ടർ രംഗത്തെത്തി. സാമൂഹിക വിരുദ്ധരിൽ ആരോ തന്റെ അക്കൗണ്ട് ഹാക്ക് ചെയ്തിട്ടുണ്ടെന്നും ദുരുപയോഗം ചെയ്തെന്നും കളക്ടർ എക്സിൽ കുറിച്ചു.

ഇതുമായി ബന്ധപ്പെട്ട് മനീഷ് വർമ പൊലീസിന് പരാതി നൽകുകയും ചെയ്തു. പരാതിയിൽ സൈബർ സെൽ എഫ്.ഐ.ആർ രജിസ്റ്റർ ചെയ്തിട്ടുണ്ട്. എഫ്.ഐ.ആറിന്റെ പകർപ്പ് ഉൾപ്പെടുത്തി കൊണ്ടായിരുന്നു കളക്ടറുടെ പ്രതികരണം. ഈ സംഭവം രാഷ്ട്രീയ വിവാദമായി മാറിയിരിക്കുകയാണ്, കളക്ടറുടെ വിശദീകരണത്തിന്റെ സത്യസന്ധത ചോദ്യം ചെയ്യപ്പെടുന്നു.

Story Highlights: UP District Magistrate calls Rahul Gandhi ‘Pappu’ on X, claims account was hacked after controversy erupts