Unni Mukundan congratulates Sreepadh on National Film Award win

70-ാമത് ദേശീയ ചലച്ചിത്ര പുരസ്കാരത്തിൽ മികച്ച ബാലതാരത്തിനുള്ള പുരസ്കാരം നേടിയ ശ്രീപദിന് ആശംസകളുമായി നടൻ ഉണ്ണി മുകുന്ദൻ രംഗത്തെത്തി. ഫെയ്സ്ബുക്കിലൂടെയാണ് ഉണ്ണി മുകുന്ദൻ ആശംസകൾ അറിയിച്ചത്. ശ്രീപദിനോടൊപ്പമുള്ള ചിത്രം പങ്കുവച്ചുകൊണ്ട് അയ്യപ്പ സ്വാമിയുടെ അനുഗ്രഹത്താൽ, പ്രിയപ്പെട്ട ശ്രീപദ് മികച്ച ബാലതാരത്തിനുള്ള പുരസ്കാരം നേടിയിരിക്കുകയാണെന്നും വളരെയധികം സന്തോഷമുണ്ടെന്നും അഭിനന്ദനങ്ങളെന്നും ഉണ്ണി മുകുന്ദൻ കുറിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

70-ാമത് ദേശീയ ചലച്ചിത്ര പുരസ്കാരത്തില് മലയാളിത്തിളക്കമാണ് കാണാൻ സാധിച്ചത്. ഏറ്റവും മികച്ച ചിത്രമായി ആനന്ദ് ഏകര്ഷി രചനയും സംവിധാനവും നിര്വ്വഹിച്ച ആട്ടം തിരഞ്ഞെടുക്കപ്പെട്ടു. ചിത്ര സംയോജനത്തിനും തിരക്കഥയ്ക്കുമുള്ള പുരസ്കാരങ്ങളും ആട്ടം സ്വന്തമാക്കി.

കാന്തരയിലെ അഭിനയത്തിന് ഋഷഭ് ഷെട്ടി മികച്ച നടനായും നിത്യ മേനോനും മാനസി പരേഖും മികച്ച നടിമാരായും തിരഞ്ഞെടുക്കപ്പെട്ടു. സൂരജ് ആര്. ബര്ജാത്യ മികച്ച സംവിധായകനായി.

മികച്ച മലയാള ചിത്രത്തിനുള്ള പുരസ്കാരം തരുണ് മൂര്ത്തി സംവിധാനം ചെയ്ത സൗദി വെള്ളക്ക നേടി. മാളികപ്പുറം എന്ന സിനിമയിൽ പിയൂഷ് ഉണ്ണി എന്ന കഥാപാത്രത്തെയാണ് ശ്രീപദ് അവതരിപ്പിച്ചത്. മികച്ച നടിക്കുള്ള പുരസ്കാരം തിരുച്ചിത്രമ്പലത്തിലെ അഭിനയത്തിന് നിത്യ മേനോനും കച്ച് എക്സ്പ്രസിലെ അഭിനയത്തിന് മാനസി പരേഖും പങ്കിട്ടു.

ഹരിപ്രശാന്ത് എം.ജിക്ക് 'അടുത്ത ജോർജ് സാർ' വിശേഷണം നൽകി രാമചന്ദ്രൻ

നോണ് ഫീച്ചര് ഫിലിം വിഭാഗത്തില് മികച്ച സംവിധായികയായി മറിയം ചാണ്ടി മേനാച്ചേരിയെ തിരഞ്ഞെടുത്തു. സൗദി വെള്ളക്കയിലെ ഗാനം ആലപിച്ച ബോംബെ ജയശ്രീ മികച്ച പിന്നണി ഗായികയ്ക്കുള്ള പുരസ്കാരം നേടി. അരിജിത് സിങ് ആണ് മികച്ച ഗായകന്.

Story Highlights: Unni Mukundan congratulates Sreepadh for winning Best Child Actor at 70th National Film Awards

അവിഹിതം സിനിമയ്ക്ക് സെൻസർ ബോർഡിന്റെ കത്രിക; സീത എന്ന് വിളിച്ച ഭാഗം വെട്ടിമാറ്റി