Union Minister Ravneet Singh Bittu booked for 'terrorist' remark on Rahul

കർണാടക പിസിസി ഭാരവാഹികളുടെ പരാതിയിൽ കേന്ദ്രമന്ത്രി രവ്നീത് സിങ് ബിട്ടുവിനെതിരെ കേസെടുത്തു. രാഹുൽ ഗാന്ധിക്കെതിരായ തീവ്രവാദി പരാമർശത്തിലാണ് നടപടി. ബംഗളൂരുവിൽ രജിസ്റ്റർ ചെയ്ത കേസിൽ കലാപാഹ്വാനം അടക്കമുള്ള വകുപ്പുകൾ ചുമത്തിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രാഹുൽ ഗാന്ധി നമ്പർ 1 ഭീകരവാദി എന്നായിരുന്നു ബിട്ടുവിന്റെ പരാമർശം. അമേരിക്കയിൽ രാഹുൽ നടത്തിയ പ്രസ്താവനകളെ വിമർശിച്ചുകൊണ്ടായിരുന്നു ഇത്. രാഹുൽ ഇന്ത്യക്കാരനല്ലെന്നും വിദേശത്ത് തെറ്റായ കാര്യങ്ങൾ പ്രചരിപ്പിക്കുന്നുവെന്നും ബിട്ടു ആരോപിച്ചു.

വിഘടനവാദികളും തീവ്രവാദികളും രാഹുലിന്റെ പ്രസ്താവനകളെ അഭിനന്ദിക്കുന്നുവെന്നും അദ്ദേഹം കൂട്ടിച്ചേർത്തു. സിഖ് സമൂഹത്തെക്കുറിച്ച് രാഹുൽ അമേരിക്കയിൽ നടത്തിയ പരാമർശങ്ങൾ വിവാദമായിരുന്നു. സിഖുകാരുടെ മതസ്വാതന്ത്ര്യത്തിനായുള്ള പോരാട്ടമാണ് ഇന്ത്യയിൽ നടക്കുന്നതെന്ന് രാഹുൽ പറഞ്ഞിരുന്നു.

ബിട്ടുവിന് പുറമെ മറ്റ് ബിജെപി നേതാക്കളും രാഹുലിനെതിരെ വിദ്വേഷ പരാമർശങ്ങൾ നടത്തിയിരുന്നു. തർവിന്ദർ സിങ് രാഹുലിനെ വധിക്കുമെന്ന് ഭീഷണിപ്പെടുത്തിയപ്പോൾ, സഞ്ജയ് ഗെയ്ക്വാദ് രാഹുലിന്റെ നാവ് അരിയുന്നവർക്ക് 11 ലക്ഷം രൂപ നൽകുമെന്ന് പ്രഖ്യാപിച്ചു.

Story Highlights: FIR registered against Union Minister Ravneet Singh Bittu for calling Rahul Gandhi a ‘terrorist’ in Karnataka

എസ്എഫ്ഐ പ്രവർത്തകരെ വിട്ടയക്കണമെന്ന് ആവശ്യപ്പെട്ട് സിപിഐഎം പ്രവർത്തകരുടെ പോലീസ് സ്റ്റേഷൻ ഉപരോധം

ഉഷ്ണതരംഗം: കർണാടകയിലെ ഒൻപത് ജില്ലകളിൽ സർക്കാർ ഓഫീസുകളുടെ സമയം മാറ്റി