UEFA Champions League Final: PSG vs Inter Milan, Key Highlights

യുവേഫ ചാമ്പ്യൻസ് ലീഗ് ഫൈനലിൽ പാരീസ് സെന്റ് ജർമനും ഇന്റർ മിലാനും തമ്മിൽ ഏറ്റുമുട്ടാനൊരുങ്ങുമ്പോൾ, ഈ പോരാട്ടത്തിന് നിരവധി പ്രത്യേകതകളുണ്ട്. ലൂയിസ് എൻറിക്വെയുടെ കീഴിൽ പിഎസ്ജി തങ്ങളുടെ ആദ്യ ചാമ്പ്യൻസ് ലീഗ് കിരീടം നേടാൻ ശ്രമിക്കുമ്പോൾ, ഇന്റർമിലാൻ യൂറോപ്പിൽ നഷ്ടപ്പെട്ട പ്രതാപം വീണ്ടെടുക്കാൻ നാലാം കിരീടം ലക്ഷ്യമിടുന്നു. 2004-ന് ശേഷം ഇതാദ്യമായി ഇംഗ്ലണ്ട്, സ്പെയിൻ, ജർമനി എന്നീ രാജ്യങ്ങളിൽ നിന്നുള്ള ടീമുകളില്ലാത്ത ഒരു ഫൈനലാണ് ഇത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പിഎസ്ജിയെ സംബന്ധിച്ചിടത്തോളം ഇത് ചരിത്രത്തിലെ ആദ്യ ചാമ്പ്യൻസ് ലീഗ് കിരീടത്തിനായുള്ള കാത്തിരിപ്പാണ്. സാമ്പത്തികമായി ഏറെ മുന്നിട്ടുനിൽക്കുന്ന ഈ ക്ലബ്ബ് യൂറോപ്യൻ കിരീടത്തിനായി മികച്ച കളിക്കാരെ ടീമിലെത്തിച്ചിട്ടുണ്ട്. ഖ്വിച്ച ക്വാരാറ്റ്സ്ഖേലിയ, ബ്രാഡ്ലി ബാർക്കോല, ഉസ്മാൻ ഡെംബെലെ തുടങ്ങിയ യുവതാരങ്ങൾ നയിക്കുന്ന മുന്നേറ്റമാണ് പിഎസ്ജിയുടെ പ്രധാന കരുത്ത്. ലൂചോയുടെ കീഴിൽ ഒരുപിടി യുവതാരങ്ങളുമായി അവർ കിരീടത്തിന് തൊട്ടരികിലെത്തിയിരിക്കുന്നു.

മറുവശത്ത്, 2023-ൽ മാഞ്ചസ്റ്റർ സിറ്റിയോട് ഫൈനലിൽ തോറ്റതിന്റെ നിരാശ മാറ്റാനാണ് ഇന്റർമിലാന്റെ ശ്രമം. ഒരുകാലത്ത് യൂറോപ്പിലെ ഏറ്റവും മികച്ച ക്ലബ്ബായിരുന്ന ഇന്റർ പിന്നീട് പിന്നോട്ട് പോവുകയായിരുന്നു. സിനിമാറ്റിക് ക്ലൈമാക്സിൽ ബാഴ്സലോണയെ തോൽപ്പിച്ചതിന്റെ ആത്മവിശ്വാസവും അവർക്കുണ്ട്. നാലാം കിരീടം നേടി പഴയ പ്രതാപത്തിലേക്ക് തിരിച്ചെത്താൻ ഇന്റർ ലക്ഷ്യമിടുന്നു.

ഇന്റർ മിലാന്റെ പ്രധാന ശക്തി പ്രതിരോധമാണ്. സിമോണെ ഇൻസാഗിയുടെ കീഴിൽ 3-5-2 ഫോർമേഷനിൽ കളിക്കുന്ന ഇന്റർ യൂറോപ്പിലെ തന്നെ മികച്ച പ്രതിരോധനിരയാണ് കെട്ടിപ്പടുത്തിരിക്കുന്നത്. ലീഗ് ഘട്ടത്തിൽ ആകെ 11 ഗോളുകൾ മാത്രമാണ് അവർ വഴങ്ങിയത്. പ്രതിരോധം ശക്തിപ്പെടുത്തി ആക്രമിച്ചു കളിക്കുക എന്നതാണ് ഇന്റർമിലാന്റെ ലക്ഷ്യം. അവസാനമായി ഇന്റർ മിലാൻ ചാമ്പ്യൻസ് ലീഗ് കിരീടം നേടിയത് 2009-2010 സീസണിലായിരുന്നു, അതിനുമുൻപ് 1963-64, 1964-65 സീസണുകളിലും അവർ കിരീടം നേടിയിട്ടുണ്ട്.

പിഎസ്ജി കിരീടധാരണത്തിന്റെ ആഘോഷം അക്രമാസക്തം; ഫ്രാൻസിൽ രണ്ട് മരണം

ജർമൻ ക്ലബ് ബയേൺ മ്യൂണിക്കിന്റെ ഹോം ഗ്രൗണ്ടായ അലയൻസ് അരീനയിലാണ് ഫൈനൽ നടക്കുന്നത്. 2012-ന് ശേഷം ഇത് രണ്ടാം തവണയാണ് ഈ സ്റ്റേഡിയം ചാമ്പ്യൻസ് ലീഗ് ഫൈനലിന് വേദിയാകുന്നത്. ഇതിനുമുമ്പ് 1979, 1993, 1997 വർഷങ്ങളിൽ മ്യൂണിക്കിലെ ഒളിമ്പ്യാസ്റ്റേഡിയവും ഫൈനലിന് വേദിയായിട്ടുണ്ട്. ജർമ്മനിയിൽ നടക്കുന്ന ഒമ്പതാമത്തെ യൂറോപ്യൻ കപ്പ് ഫൈനൽ കൂടിയാണ് ഈ മത്സരം. ()

കൂടാതെ, ജർമ്മനിയിൽ നടന്ന യൂറോപ്യൻ ഫൈനലുകളിൽ ഇറ്റാലിയൻ ക്ലബ്ബുകൾക്ക് ഇതുവരെ വിജയിക്കാൻ കഴിഞ്ഞിട്ടില്ലെന്ന ഒരു റെക്കോർഡും നിലവിലുണ്ട്. ഈ ‘ശാപം’ ഇന്റർ മിലാൻ ഇത്തവണ അവസാനിപ്പിക്കുമോ എന്നത് ശ്രദ്ധേയമാണ്. ഫൈനലിലെ മറ്റൊരു ആകർഷണം പ്രമുഖ അമേരിക്കൻ റോക്ക് ബാൻഡായ ലിങ്കിൻ പാർക്കിന്റെ സംഗീത പരിപാടിയാണ്.

ഇന്ത്യൻ സമയം ഞായറാഴ്ച രാത്രി 12.30-നാണ് ഫൈനൽ മത്സരം ആരംഭിക്കുന്നത്. ഇരു ടീമുകളും നേർക്കുനേർ വരുന്ന ഏഴാമത്തെ പോരാട്ടമാണിത്. ഇതിനുമുൻപ് നടന്ന മത്സരങ്ങളിൽ ഇന്റർ മൂന്ന് തവണ വിജയിച്ചപ്പോൾ പിഎസ്ജിക്ക് ഒരു കളിയിൽ മാത്രമാണ് ജയിക്കാനായത്, രണ്ട് മത്സരങ്ങൾ സമനിലയിൽ അവസാനിച്ചു. ആര് ജയിക്കുമെന്നും ആര് വീഴുമെന്നും കാത്തിരുന്നു കാണാം.

ALSO READ: മുംബൈ ഉയർത്തിയ റൺമലയ്ക്ക് മുമ്പിൽ അടിപതറി ഗുജറാത്ത് ടൈറ്റൻസ്

Story Highlights: യുവേഫ ചാമ്പ്യൻസ് ലീഗ് ഫൈനലിൽ പിഎസ്ജിയും ഇന്റർ മിലാനും ഏറ്റുമുട്ടുമ്പോൾ നിരവധി പ്രത്യേകതകൾ.

സനയ്ക്ക് ആദരം; യുവേഫ ചാമ്പ്യൻസ് ലീഗ് ഫൈനലിൽ ടിഫോ ഉയർത്തി പിഎസ്ജി ആരാധകർ

ചാമ്പ്യൻസ് ലീഗ് വിജയം: പാരീസിൽ പി എസ് ജി താരങ്ങളുടെ പരേഡിനിടെ അനിഷ്ട സംഭവങ്ങൾ