Udhayanidhi Stalin likely to become Tamil Nadu Deputy CM

തമിഴ്നാട്ടിൽ ഉദയനിധി സ്റ്റാലിൻ ഉപമുഖ്യമന്ത്രിയാകുമെന്ന സൂചനകൾ ശക്തമാകുന്നു. ഇന്ന് 11. 30ന് നടക്കുന്ന ചടങ്ങിൽ ഇതുസംബന്ധിച്ച നിർണായക തീരുമാനം ഉണ്ടായേക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നിലവിൽ യുവജനക്ഷേമ കായികവകുപ്പ് മന്ത്രിയായ ഉദയനിധി സ്റ്റാലിന്റെ സ്ഥാനക്കയറ്റത്തെക്കുറിച്ച് നേരത്തെ തന്നെ അഭ്യൂഹങ്ങൾ പ്രചരിച്ചിരുന്നു. എന്നാൽ ഇക്കാര്യത്തിൽ പാർട്ടിക്കുള്ളിൽ ചില അഭിപ്രായ വ്യത്യാസങ്ങൾ നിലനിൽക്കുന്നുണ്ട്. മുഖ്യമന്ത്രി എം കെ സ്റ്റാലിൻ നേരത്തെ തന്നെ ഇതുസംബന്ധിച്ച സൂചനകൾ നൽകിയിരുന്നു.

അമേരിക്കയിൽ നിന്നും തിരിച്ചെത്തിയ ശേഷം മാധ്യമങ്ങളോട് സംസാരിക്കുന്നതിനിടെ, മന്ത്രിസഭാ പുനസംഘടനയെക്കുറിച്ചുള്ള ചോദ്യത്തിന് മറുപടിയായി, “നിങ്ങൾ മനസിൽ വിചാരിക്കുന്ന കാര്യങ്ങൾ സംഭവിക്കുന്ന സാഹചര്യമുണ്ടാകും” എന്നാണ് അദ്ദേഹം പറഞ്ഞത്. ഡിഎംകെ പറഞ്ഞ കാര്യങ്ങൾ ചെയ്യുമെന്നും, ചെയ്യുന്ന കാര്യങ്ങൾ മാത്രമേ പറയൂ എന്നും അദ്ദേഹം കൂട്ടിച്ചേർത്തു. എം കരുണാനിധി മുഖ്യമന്ത്രിയായിരുന്നപ്പോൾ മകൻ എം കെ സ്റ്റാലിൻ ഉപമുഖ്യമന്ത്രിയായിരുന്നു എന്നത് ശ്രദ്ധേയമാണ്.

അതേസമയം, സ്റ്റാലിന്റെ അമേരിക്കൻ സന്ദർശനം വൻ വിജയമായിരുന്നുവെന്നും 7618 കോടി രൂപയുടെ നിക്ഷേപം തമിഴ്നാട്ടിലേക്ക് എത്തുമെന്നും മുഖ്യമന്ത്രി വ്യക്തമാക്കി. വിവിധ കമ്പനികളുമായി ധാരണാപത്രം ഒപ്പിട്ടതിലൂടെ 11,516 പേർക്ക് നേരിട്ട് ജോലി ലഭിക്കുമെന്നും അദ്ദേഹം പറഞ്ഞു.

കെ.പി.സി.സി പുനഃസംഘടന വൈകും; തീരുമാനം ഓണത്തിന് ശേഷം

Story Highlights: Udhayanidhi Stalin likely to become Deputy Chief Minister of Tamil Nadu, official announcement expected soon

സി.പി. രാധാകൃഷ്ണന് പിന്തുണ തേടി കേന്ദ്രം; പിന്തുണയ്ക്കില്ലെന്ന് ഡി.എം.കെ