UAE: No Work Permit, Heavy Penalty

യുഎഇയിൽ വർക്ക് പെർമിറ്റില്ലാതെ ജോലി ചെയ്യിക്കുന്ന സ്ഥാപനങ്ങൾക്കെതിരെ കർശന നടപടികളുമായി മാനവശേഷി സ്വദേശിവൽക്കരണ മന്ത്രാലയം രംഗത്തെത്തി. നിയമലംഘകരായ സ്ഥാപന ഉടമകൾക്ക് ഒരു വർഷം വരെ തടവും പരമാവധി 10 ലക്ഷം ദിർഹം പിഴയും നേരിടേണ്ടിവരുമെന്ന് മന്ത്രാലയം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സന്ദർശക വിസയിലോ മറ്റ് വിസകളിലോ ഉള്ളവരെ ജോലിക്കെടുക്കുന്നതിന് മുൻപ് വർക്ക് പെർമിറ്റ് നടപടികൾ പൂർത്തിയാക്കേണ്ടത് നിർബന്ധമാണ്. വർക്ക് പെർമിറ്റിന് അപേക്ഷ നൽകുന്നത് നടപടിക്രമത്തിന്റെ ഭാഗം മാത്രമാണെന്നും മന്ത്രാലയത്തിന്റെ അംഗീകാരത്തോടെ വർക്ക് പെർമിറ്റ് ലഭിച്ചാലെ ജോലി ചെയ്യാൻ അനുമതിയുള്ളൂ എന്നും അധികൃതർ ഊന്നിപ്പറഞ്ഞു.

രാജ്യത്തുടനീളം നിയമവിരുദ്ധ തൊഴിലിനെതിരെ പരിശോധനകൾ ശക്തമാക്കിയിട്ടുണ്ട്. രേഖകളില്ലാത്ത തൊഴിലാളികളെ നിയമിക്കുന്ന സ്ഥാപനങ്ങൾക്കെതിരെ കർശന നടപടികൾ സ്വീകരിക്കുമെന്നും മുന്നറിയിപ്പ് നൽകി.

മന്ത്രാലയത്തിൽ നിന്ന് വർക്ക് പെർമിറ്റ് നേടുന്ന ഏതൊരു വ്യക്തിയും തൊഴിൽ നിയമങ്ങളുടെ പരിധിയിൽ വരുമെന്ന് മന്ത്രാലയം അറിയിച്ചു. തൊഴിൽ പ്രശ്നങ്ങൾ നേരിടുന്നവർക്ക് അധികൃതരെ സമീപിക്കാമെന്നും മന്ത്രാലയം വ്യക്തമാക്കി.

ചേർത്തലയിൽ മൂന്ന് സ്ത്രീകളെ കൊലപ്പെടുത്തിയത് സെബാസ്റ്റ്യനോ? സഹോദരന്റെ മൊഴി നിർണ്ണായകം

വർക്ക് പെർമിറ്റില്ലാത്തവരെ ജോലിക്ക് നിയമിക്കുന്നത് ഗുരുതരമായ കുറ്റമായി കണക്കാക്കുമെന്നും മന്ത്രാലയം മുന്നറിയിപ്പ് നൽകിയിട്ടുണ്ട്.

Story Highlights: UAE Ministry of Human Resources and Emiratisation warns companies against hiring individuals without work permits, with penalties including imprisonment and fines.

യു.എ.ഇയിൽ നേരിയ ഭൂചലനം; റിക്ടർ സ്കെയിലിൽ 2.0 തീവ്രത രേഖപ്പെടുത്തി