UAE Raises Corporate Tax to 15% for Multinational Companies

യു.എ.ഇയിലെ ബഹുരാഷ്ട്ര കമ്പനികൾക്ക് അടുത്ത വർഷം മുതൽ കൂടുതൽ നികുതി നൽകേണ്ടി വരും. യു.എ.ഇ സാമ്പത്തിക മന്ത്രാലയത്തിന്റെ പ്രഖ്യാപനം അനുസരിച്ച്, 75 കോടി യൂറോയ്ക്കു മുകളിൽ ആഗോള വരുമാനമുള്ള ബഹുരാഷ്ട്ര കമ്പനികളുടെ ലാഭത്തിൽ നിന്നുള്ള നികുതി നിരക്ക് 15 ശതമാനമായി ഉയർത്തി. നിലവിൽ ഈ നിരക്ക് 9 ശതമാനമാണ്. എന്നാൽ, മറ്റു കമ്പനികൾക്ക് നിലവിലുള്ള 9 ശതമാനം നികുതി നിരക്ക് തുടരും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ നടപടി ലോകമെമ്പാടും സുതാര്യമായ നികുതി സമ്പ്രദായം നടപ്പാക്കാൻ ലക്ഷ്യമിടുന്ന ഓർഗനൈസേഷൻ ഫോർ ഇക്കണോമിക് കോ-ഓപ്പറേഷൻ ആൻഡ് ഡവലപ്മെന്റിന്റെ (OECD) ടു പില്ലർ സൊല്യൂഷന്റെ ഭാഗമാണ്. ഈ നയപ്രകാരം, ബഹുരാഷ്ട്ര കമ്പനികൾ അവർ പ്രവർത്തിക്കുന്ന രാജ്യങ്ങളിലെ ലാഭത്തിന്റെ 15 ശതമാനം നികുതിയായി നൽകണമെന്നാണ് വ്യവസ്ഥ.

തൊഴിൽ പൂരം: മൂന്ന് ലക്ഷം തൊഴിലവസരങ്ങളുമായി മെഗാ ജോബ് എക്സ്പോ

പുതിയ നികുതി നയം നടപ്പിലാക്കുന്നതിന് മുന്നോടിയായി, യു.എ.ഇ സർക്കാർ ഇക്കഴിഞ്ഞ ഏപ്രിലിൽ പൊതുജനാഭിപ്രായം തേടിയിരുന്നു. ഇതിൽ നിന്നു ലഭിച്ച നിർദേശങ്ങളുടെ അടിസ്ഥാനത്തിലാണ് ഈ പുതിയ നികുതി സമ്പ്രദായം നടപ്പിലാക്കാൻ തീരുമാനിച്ചത്. ഈ നടപടി യു.എ.ഇയുടെ സാമ്പത്തിക മേഖലയിൽ വലിയ മാറ്റങ്ങൾ കൊണ്ടുവരുമെന്നും, രാജ്യത്തിന്റെ നികുതി വരുമാനം ഗണ്യമായി വർധിപ്പിക്കുമെന്നും പ്രതീക്ഷിക്കപ്പെടുന്നു.