UAE National Day: 2269 prisoners pardoned, some excluded from amnesty

യുഎഇയുടെ 53-ാം ദേശീയ ദിനത്തോടനുബന്ധിച്ച് 2269 തടവുകാരെ മോചിപ്പിക്കാൻ യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഉത്തരവിട്ടു. നല്ല പെരുമാറ്റം കാഴ്ചവച്ച തടവുകാർക്കാണ് ഈ ആനുകൂല്യം ലഭിക്കുന്നത്. എന്നാൽ, സെപ്റ്റംബർ 1-ന് ശേഷം താമസ, വിസാ നിയമലംഘനം നടത്തിയവർക്ക് പൊതുമാപ്പിന്റെ ആനുകൂല്യം ലഭിക്കില്ലെന്ന് അധികൃതർ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നാടുകടത്തൽ ഉത്തരവുകൾക്ക് വിധേയരായവർ, അനധികൃതമായി രാജ്യത്ത് പ്രവേശിച്ചവർ, നിർദിഷ്ട തീയതിക്ക് ശേഷം ഒളിച്ചോടൽ അല്ലെങ്കിൽ ജോലി ഉപേക്ഷിക്കൽ പോലുള്ള അഡ്മിനിസ്ട്രേറ്റിവ് കേസുകളിൽ റിപ്പോർട്ട് ചെയ്യപ്പെട്ടവർ എന്നിവർക്കും പൊതുമാപ്പിന്റെ ആനുകൂല്യം ലഭിക്കില്ല. ഈ നിയമലംഘകർ തുടർ നടപടികൾക്കായി വയലേറ്റേഴ്സ് ആൻഡ് ഫോറിനേഴ്സ് അഫയേഴ്സ് വകുപ്പിനെ സമീപിക്കണമെന്ന് അധികൃതർ നിർദേശിച്ചു.

പൊതുമാപ്പ് കാലയളവ് ഡിസംബർ 31 വരെയാണ്. നിയമലംഘകർ എത്രയും വേഗം നടപടി പൂർത്തിയാക്കി താമസം നിയമവിധേയമാക്കുകയോ രാജ്യം വിടുകയോ ചെയ്യണമെന്ന് അധികൃതർ ആവശ്യപ്പെട്ടു. പൊതുമാപ്പ് അവസാനിച്ചാൽ നിയമലംഘകർക്കായി പരിശോധന ശക്തമാക്കും. പിടിക്കപ്പെട്ടാൽ തടവും പിഴയും നാടുകടത്തലുമാകും ശിക്ഷ.

Story Highlights: UAE President orders release of 2269 prisoners for 53rd National Day, amnesty excludes certain violators

ഏഷ്യാ കപ്പിൽ നാടകീയ രംഗങ്ങൾ; മത്സരം ബഹിഷ്കരിക്കുമെന്ന വാർത്തകൾക്കിടെ ഒടുവിൽ പാക് ടീം കളിക്കളത്തിൽ