യുഎഇയിലേക്കുള്ള യാത്ര ഇനി കൂടുതൽ എളുപ്പം. ആറ് രാജ്യങ്ങളുടെ വീസയുള്ള ഇന്ത്യക്കാർക്ക് ഓൺ അറൈവൽ വീസ ലഭിക്കുമെന്ന് ഫെഡറൽ അതോറിറ്റി ഫോർ ഐഡന്റിറ്റി, കസ്റ്റംസ് ആൻഡ് പോർട്ട് സെക്യൂരിറ്റി അറിയിച്ചു. സിംഗപ്പൂർ, ദക്ഷിണ കൊറിയ, ജപ്പാൻ, ഓസ്ട്രേലിയ, ന്യൂസിലൻഡ്, കാനഡ എന്നീ രാജ്യങ്ങളുടെ വീസ, റസിഡൻസ് പെർമിറ്റ് അല്ലെങ്കിൽ ഗ്രീൻ കാർഡ് ഉള്ള ഇന്ത്യക്കാർക്കാണ് ഈ ആനുകൂല്യം ലഭിക്കുക.
പുതിയ വീസ ഇളവിലൂടെ യോഗ്യരായ ഇന്ത്യൻ പൗരന്മാരുടെയും കുടുംബങ്ങളുടെയും യാത്ര സുഗമമാക്കുകയാണ് യുഎഇ ലക്ഷ്യമിടുന്നത്. ഇന്ത്യയുമായുള്ള യുഎഇയുടെ ദീർഘകാല ബന്ധത്തിന്റെ പ്രതിഫലനമാണ് ഈ നടപടി. യുഎഇയിൽ ജീവിക്കാനും ജോലി ചെയ്യാനും നിക്ഷേപിക്കാനുമുള്ള പുതിയ സാധ്യതകൾ തേടാൻ ഇന്ത്യക്കാർക്ക് അവസരം ലഭിക്കുമെന്നും അധികൃതർ വ്യക്തമാക്കി.
നേരത്തെ അമേരിക്ക, യൂറോപ്യൻ യൂണിയൻ, യുകെ എന്നിവിടങ്ങളുടെ വീസയുള്ള ഇന്ത്യക്കാർക്ക് മാത്രമായിരുന്നു ഓൺ അറൈവൽ വീസ ലഭിച്ചിരുന്നത്. എന്നാൽ ഇപ്പോൾ ആറ് രാജ്യങ്ങൾ കൂടി ഈ പട്ടികയിൽ ഉൾപ്പെട്ടിരിക്കുന്നു. രാജ്യത്തെ എല്ലാ എൻട്രി പോയിന്റുകളിൽ നിന്നും ഇന്ത്യൻ യാത്രക്കാർക്ക് വീസ നൽകും.
പാസ്പോർട്ടിന് ചുരുങ്ങിയത് ആറ് മാസത്തെ കാലാവധി നിർബന്ധമാണ്. എൻട്രി പോയിന്റിൽ വച്ചുതന്നെ വീസ ഫീസും നൽകണം.
Story Highlights: UAE eases visa rules for Indian citizens holding visas from six more countries, including Singapore, South Korea, and Japan.
യുഎഇയിലെ പ്രവാസികൾക്ക് ഇനി സ്വന്തം സ്പോൺസർഷിപ്പിൽ ബന്ധുക്കളെയും സുഹൃത്തുക്കളെയും സന്ദർശക വീസയിൽ കൊണ്ടുവരാം. Read more
