UAE Delegation to Attend Invest Kerala Global Summit

കേരളത്തിൽ നിക്ഷേപമിടുന്നതിനായി യു.എ.ഇ പ്രത്യേക സംഘത്തെ അയക്കുമെന്ന് വ്യക്തമായി. അന്താരാഷ്ട്ര നിക്ഷേപക സംഗമം (ഇൻവെസ്റ്റ് കേരള ഗ്ലോബൽ സമ്മിറ്റ്) ത്തിൽ പങ്കെടുക്കാനാണ് യു.എ.ഇ സംഘം എത്തുന്നത്. യു.എ.ഇ കാബിനറ്റ് മിനിസ്റ്റർ ഓഫ് ഇൻവെസ്റ്റ്മെൻ്റ് മുഹമ്മദ് ഹസൻ അൽ സുവൈദി, വ്യവസായ മന്ത്രി പി. രാജീവുമായി അബുദാബിയിൽ നടത്തിയ കൂടിക്കാഴ്ചയിലാണ് ഈ പ്രഖ്യാപനം നടന്നത്. ലുലു ഗ്രൂപ്പ് ചെയർമാൻ എം.എ യൂസഫലിയും വ്യവസായ വകുപ്പിലെ ഉന്നതോദ്യോഗസ്ഥരും ഈ കൂടിക്കാഴ്ചയിൽ സന്നിഹിതരായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഐ.കെ.ജി.എസിൻ്റെ ഭാഗമായി ദുബായിൽ ഇൻവെസ്റ്റർ മീറ്റും റോഡ് ഷോയും ആരംഭിച്ചു. കേരളത്തിലെ ലോജിസ്റ്റിക്സ്, ഭക്ഷ്യ സംസ്കരണം തുടങ്ങിയ മേഖലകളിൽ നിക്ഷേപിക്കാൻ താത്പര്യമുണ്ടെന്ന് യു.എ.ഇ മിനിസ്റ്റർ ഓഫ് ഇൻവെസ്റ്റ്മെൻ്റ് മുഹമ്മദ് ഹസൻ അൽ സുവൈദി വ്യക്തമാക്കി. ഐ.കെ.ജി.എസിൽ പങ്കെടുക്കുന്ന പ്രത്യേക സംഘം ഈ മേഖലകളെ കുറിച്ച് കൂടുതൽ പഠനം നടത്തും. അബുദാബി ചേംബർ ഓഫ് കോമേഴ്സും നിക്ഷേപക സംഗമത്തിനായി പ്രത്യേക സംഘത്തെ അയക്കുമെന്ന് വ്യവസായ മന്ത്രി പി. രാജീവിനെ അറിയിച്ചു.

റോഡപകടത്തിൽ പരിക്കേറ്റവരെ ആശുപത്രിയിലെത്തിക്കുന്നവർക്ക് 25,000 രൂപ പാരിതോഷികം

ഐ.കെ.ജി.എസിന് മുന്നോടിയായി പ്രാഥമിക പരിശോധനകൾക്കായി ചേംബറിൻ്റെ ഉദ്യോഗസ്ഥ സംഘം കേരളത്തിലെത്തും. ലഭ്യമായ സ്ഥലങ്ങൾ പരിശോധിക്കുന്നതിനും നിക്ഷേപ സാധ്യതകൾ വിലയിരുത്തുന്നതിനുമാണ് സംഘത്തിൻ്റെ സന്ദർശനം. ചേംബർ ഓഫ് കോമേഴ്സ് ചെയർമാനും ഡിപ്പാർട്ട്മെൻ്റ് ഓഫ് ഇക്കണോമിക് ഡവലപ്മെൻ്റ് തലവനുമായ അഹമ്മദ് ജാസിം, ഫസ്റ്റ് വൈസ് ചെയർമാൻ ഡോ. സഈദ് ബിൻ ഹർമാൽ അൽ ദഹേരി, സെക്കൻ്റ് വൈസ് ചെയർമാൻ ഡോ. ഷാമിസ് അലി ഖൽഫാൻ അൽ ദഹേരി എന്നിവരും കൂടിക്കാഴ്ചയിൽ പങ്കെടുത്തു.

സംഭലിലെ മസ്ജിദ് കിണർ: തൽസ്ഥിതി തുടരണമെന്ന് സുപ്രീം കോടതി

രണ്ട് ദിവസത്തെ ദുബായ് ഇൻവെസ്റ്റർ മീറ്റിലും റോഡ് ഷോയിലും പ്രമുഖ വ്യവസായികളുമായും വാണിജ്യ സംഘടനകളുമായും കൂടിക്കാഴ്ചയും ചർച്ചകളും നടന്നു. വ്യവസായ മന്ത്രി പി. രാജീവ്, ലുലു ഗ്രൂപ്പ് ചെയർമാൻ എം.എ യൂസഫലി, വ്യവസായ വകുപ്പ് പ്രിൻസിപ്പൽ സെക്രട്ടറി എ.പി.എ മുഹമ്മദ് ഹനീഷ്, കെ.എസ്.ഐ.ഡി.സി എം.ഡി എസ് ഹരികിഷോർ, ഒ.എസ്.ഡി ആനി ജൂല തോമസ് തുടങ്ങിയവരും പരിപാടികളിൽ പങ്കെടുത്തു. സംസ്ഥാന സർക്കാർ സംഘടിപ്പിക്കുന്ന ഇൻവെസ്റ്റ് കേരള ഗ്ലോബൽ സമ്മിറ്റിൽ പങ്കെടുക്കുന്നതിനുള്ള ക്ഷണം യു.എ.ഇ സ്വീകരിച്ചു.

സിപിഐഎം വിടില്ലെന്ന് സുരേഷ് കുറുപ്പ്; അഭ്യൂഹങ്ങൾ തള്ളി

Story Highlights: UAE to send a delegation to Invest Kerala Global Summit to explore investment opportunities in logistics and food processing.