അഗർത്തല◾: ത്രിപുരയിൽ കാമുകിയുടെ ബന്ധുക്കൾ ഉൾപ്പെടെ ആറുപേർ അറസ്റ്റിലായി, 26-കാരനെ കൊലപ്പെടുത്തി മൃതദേഹം ഐസ്ക്രീം ഫ്രീസറിനുള്ളിൽ ഒളിപ്പിച്ച സംഭവത്തിലാണ് നടപടി. അഗർത്തല സ്വദേശിയായ ഷരിഫുൾ ഇസ്ലാമാണ് കൊല്ലപ്പെട്ടത്. സംഭവത്തിൽ അഗർത്തല സിറ്റി പൊലീസ് പ്രതികളെ അറസ്റ്റ് ചെയ്തു.
അഗർത്തലയിലെ ചന്ദ്രപുർ സ്വദേശിനിയായ 20 വയസ്സുകാരിയും ഷരിഫുളും തമ്മിൽ പ്രണയത്തിലായിരുന്നെന്നും ഇത് കൊലപാതകത്തിലേക്ക് നയിച്ചെന്നും പോലീസ് പറയുന്നു. പ്രതിയായ ഡോ. ദിബാകർ സാഹയ്ക്ക് പെൺകുട്ടിയോട് പ്രണയമുണ്ടായിരുന്നു. ദിബാകർ സാഹയുടെ പിതാവ് ദീപക് സാഹയുടെ ഉടമസ്ഥതയിലുള്ള കടയിലെ ഫ്രീസറിൽനിന്നാണ് ഷരിഫുളിന്റെ മൃതദേഹം കണ്ടെത്തിയത്. ദീപക് സാഹ (52), ദേബിക സാഹ (48), ജയ്ദീപ് ദാസ് (20), നബനിത ദാസ് (25), അനിമേഷ് യാദവ് (21) എന്നിവരാണ് അറസ്റ്റിലായ മറ്റു പ്രതികൾ.
അഞ്ച് ദിവസം മുൻപാണ് ഷരിഫുളിനെ കാണാതാവുന്നത്. തുടർന്ന് നടത്തിയ അന്വേഷണത്തിൽ യുവാവിനെ ദിബാകർ തന്റെ വീട്ടിലേക്ക് വിളിച്ചുവരുത്തി കഴുത്ത് ഞെരിച്ച് കൊലപ്പെടുത്തുകയായിരുന്നുവെന്ന് പോലീസ് കണ്ടെത്തി. കൊലപാതകത്തിന് ശേഷം മൃതദേഹം ഒരു ട്രോളി ബാഗിൽ ഒളിപ്പിച്ചു. ബംഗ്ലാദേശിൽനിന്നാണ് ദിബാകർ സാഹ എംബിബിഎസ് പൂർത്തിയാക്കിയത്.
അടുത്തിടെയുണ്ടായ വഴക്കിനെത്തുടർന്ന് ഷരിഫുളും പെൺകുട്ടിയും തമ്മിൽ സംസാരിക്കുന്നത് നിർത്തിയിരുന്നു. ഈ അവസരം മുതലെടുത്ത് ദിബാകർ സാഹ ഷരിഫുളിനെ വകവരുത്തുകയായിരുന്നു. തുടർന്ന് പ്രതി ഗന്ധചേരയിൽ നിന്ന് മാതാപിതാക്കളെ വിളിച്ച് ട്രോളി ബാഗ് അഗർത്തലയിലേക്ക് കൊണ്ടുപോകാൻ ആവശ്യപ്പെട്ടു. അവർ മൃതദേഹം കടയിലെ ഐസ്ക്രീം ഫ്രീസറിൽ ഒളിപ്പിച്ചു.
പെൺകുട്ടിയെ വിവാഹം കഴിക്കാൻ ദിബാകർ ആഗ്രഹിച്ചിരുന്നു. ഇതിനിടെ പെൺകുട്ടിക്ക് ഷരിഫുളുമായുള്ള അടുപ്പം മനസ്സിലാക്കിയ ദിബാകർ, ഇയാളെ കൊലപ്പെടുത്താൻ തീരുമാനിക്കുകയായിരുന്നു. ബങ്കുമാരിയിലുള്ള പെൺകുട്ടിയുടെ വീട്ടിൽ ദിബാകർ സ്ഥിരമായി പോകാറുണ്ടായിരുന്നു.
അടുത്തിടെ പെൺകുട്ടിയുടെ പിതാവ് മരിച്ചു. ഇതിനുശേഷം വീട്ടിലെത്തിയ ദിബാകർ, പെൺകുട്ടിയെ ലൈംഗികമായി ചൂഷണം ചെയ്യാനും ശ്രമിച്ചിരുന്നുവെന്ന് പോലീസ് പറഞ്ഞു. ഈ സംഭവങ്ങളെല്ലാം കൊലപാതകത്തിലേക്ക് വഴി തെളിയിച്ചു.
Story Highlights: ത്രിപുരയിൽ 26-കാരനെ കൊലപ്പെടുത്തി മൃതദേഹം ഫ്രീസറിനുള്ളിൽ ഒളിപ്പിച്ച കേസിൽ കാമുകിയുടെ ബന്ധുക്കൾ ഉൾപ്പെടെ 6 പേർ അറസ്റ്റിൽ.
തിരുവല്ലയിൽ പരസ്യമായി മദ്യപാനം നടത്തിയതിനെ ചോദ്യം ചെയ്ത വീട്ടുടമയ്ക്കും കുടുംബാംഗങ്ങൾക്കും നേരെ വധഭീഷണി. Read more
കോതമംഗലത്ത് 82 വയസ്സുകാരിയുടെ 1.5 പവൻ മാല പൊട്ടിച്ച് യുവാവ് ഓടി രക്ഷപ്പെട്ടു. Read more
തൃശൂർ ചാലക്കുടി അതിരപ്പള്ളിയിൽ ആദിവാസി വിഭാഗത്തിൽപ്പെട്ട വനിതാ വാച്ചർക്കെതിരെ ലൈംഗികാതിക്രമം. വാഴച്ചാൽ ഡിവിഷന് Read more
കോഴിക്കോട് നഗരത്തിൽ വീണ്ടും ലഹരി വേട്ടയിൽ മൂന്ന് യുവാക്കൾ പിടിയിലായി. 40 ഗ്രാം Read more
കർണാടകയിൽ ഒമ്പതു വയസ്സുകാരന് അധ്യാപകന്റെ ക്രൂര മർദനം. മുത്തശ്ശിയെ ഫോണിൽ വിളിച്ചതിന്റെ പേരിൽ Read more
ഗുജറാത്തിലെ അഹമ്മദാബാദിൽ ക്ഷേത്രത്തിൽ നിന്ന് 1.64 കോടി രൂപയുടെ വെള്ളി ആഭരണങ്ങൾ മോഷ്ടിച്ച Read more
മഹാരാഷ്ട്രയിലെ താനെയിൽ ഗേ ഡേറ്റിംഗ് ആപ്പിലൂടെ സൗഹൃദം നടിച്ച് യുവാവിനെ കൊള്ളയടിച്ചു. സംഭവത്തിൽ Read more
കഴക്കൂട്ടത്ത് ഹോസ്റ്റലിൽ അതിക്രമിച്ചു കയറി യുവതിയെ പീഡിപ്പിച്ച കേസിലെ പ്രതിയെ പോലീസ് അറസ്റ്റ് Read more
നെയ്യാറ്റിൻകരയിൽ വീട്ടമ്മ ആത്മഹത്യ ചെയ്ത സംഭവത്തിൽ ഡിസിസി ജനറൽ സെക്രട്ടറി ജോസ് ഫ്രാങ്ക്ളിനെ Read more
കോട്ടയം അയർക്കുന്നത്ത് ഭർത്താവ് ഭാര്യയെ കൊലപ്പെടുത്തി കുഴിച്ചുമൂടി. പശ്ചിമബംഗാൾ സ്വദേശിനിയാണ് കൊല്ലപ്പെട്ടത്. സംഭവത്തിൽ Read more
