TMC MP smashes bottle in Waqf Bill meeting, injures hand

പാർലമെന്റ് അനക്സ് മന്ദിരത്തിൽ നടന്ന വഖഫ് ബിൽ പരിഗണിക്കുന്ന പാർലമെന്ററി സംയുക്തയോഗത്തിൽ അപ്രതീക്ഷിത സംഭവങ്ങൾ അരങ്ങേറി. ചർച്ചയ്ക്കിടെ തൃണമൂൽ കോൺഗ്രസ് എംപി കല്യാൺ ബാനർജിയും ബിജെപി എംപി അഭിജിത് ഗാംഗുലിയും തമ്മിൽ വാക്കേറ്റമുണ്ടായി. തർക്കം രൂക്ഷമായതോടെ കല്യാൺ ബാനർജി ഗ്ലാസ് വാട്ടർ ബോട്ടിൽ എടുത്ത് മേശയിൽ ഇടിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇതിൽ ബോട്ടിൽ ഉടഞ്ഞ് കല്യാൺ ബാനർജിയുടെ കൈക്ക് പരുക്കേൽക്കുകയും ചെയ്തു. തള്ളവിരലിനും ചൂണ്ടുവിരലിനുമാണ് പരുക്കേറ്റത്. പ്രഥമശുശ്രൂഷ നൽകിയശേഷം യോഗം വീണ്ടും ആരംഭിച്ചു.

എഐഎംഐഎം തലവൻ അസദുദ്ദീൻ ഒവൈസിയും ആം ആദ്മി പാർട്ടി നേതാവ് സഞ്ജയ് സിംഗും ചേർന്ന് കല്യാൺ ബാനർജിയെ മീറ്റിംഗ് റൂമിലേക്ക് തിരികെ കൊണ്ടുപോയി. വഖഫ് ഭേദഗതി ബിൽ സംബന്ധിച്ച് എംപിമാരുടെ അഭിപ്രായങ്ങൾ കേൾക്കുന്നതിനായാണ് ഇന്ന് സമിതി യോഗം ചേർന്നത്. വഖഫ് നിയമം പരിഷ്കരിക്കാനാണ് സമിതി ലക്ഷ്യമിടുന്നത്.

ബില്ലുമായി ബന്ധപ്പെട്ട് ചർച്ചയ്ക്കായി ന്യൂനപക്ഷകാര്യ മന്ത്രാലയത്തിലെ ഉദ്യോഗസ്ഥരെ ക്ഷണിച്ച് സമിതി തിങ്കളാഴ്ച യോഗം ചേർന്നിരുന്നു. സംഭവത്തിന് ശേഷം യോഗം പുനരാരംഭിച്ചെങ്കിലും അതിന്റെ തുടർനടപടികളെക്കുറിച്ച് വിശദാംശങ്ങൾ പുറത്തുവന്നിട്ടില്ല.

സിപിഐഎം പാർട്ടി കോൺഗ്രസ്: 75 വയസ്സ് പ്രായപരിധി ഒഴിവാക്കണമെന്ന് ആവശ്യം

Story Highlights: TMC MP Kalyan Banerjee smashes glass water bottle during altercation with BJP MP in parliamentary joint committee meeting on Waqf Bill

വഖഫ് ഭേദഗതി ബിൽ രാജ്യസഭയിൽ അവതരിപ്പിച്ചു