Thrissur Wins Kerala School Youth Festival After 25 Years

ഇരുപത്തിയഞ്ച് വർഷത്തിനു ശേഷം കലയുടെ പൊൻകിരീടം തൃശൂരിലേക്ക് എത്തിച്ചേർന്നു. സ്വർണ്ണക്കപ്പ് നേടിയ തൃശൂർ ജില്ലയെ മന്ത്രി വി. ശിവൻകുട്ടി അഭിനന്ദിച്ചു. 1008 പോയിന്റുകൾ നേടിയാണ് തൃശൂർ ജില്ല വിജയികളായത്. ഹൈസ്കൂൾ വിഭാഗത്തിൽ തൃശൂരും പാലക്കാടും 482 പോയിന്റുകൾ വീതം നേടി ഒന്നാം സ്ഥാനം പങ്കിട്ടു. ഹയർസെക്കൻഡറി വിഭാഗത്തിൽ 526 പോയിന്റുകൾ നേടിയാണ് തൃശൂർ ഒന്നാമതെത്തിയത്. ഒരു പോയിന്റ് മാത്രം വ്യത്യാസത്തിൽ രണ്ടാം സ്ഥാനത്തെത്തിയ പാലക്കാട് 1007 പോയിന്റുകൾ നേടി. 1003 പോയിന്റുമായി കണ്ണൂർ മൂന്നാം സ്ഥാനത്തെത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കോഴിക്കോട്, എറണാകുളം, മലപ്പുറം ജില്ലകൾ തൊട്ടുപിന്നിലായുണ്ട്. ആതിഥേയരായ തിരുവനന്തപുരം 957 പോയിന്റുമായി എട്ടാം സ്ഥാനത്തെത്തി. 1999 ലാണ് തൃശൂർ അവസാനമായി കലോത്സവ കിരീടം നേടിയത്. ഇത് ആറാം തവണയാണ് തൃശൂർ ജില്ല വിജയികളാകുന്നത്. ഹൈസ്കൂൾ അറബിക് കലോത്സവത്തിൽ കണ്ണൂരും കോഴിക്കോടും എറണാകുളവും 95 പോയിന്റുകൾ വീതം നേടി ഒന്നാം സ്ഥാനം പങ്കിട്ടു. ഹൈസ്കൂൾ സംസ്കൃത കലോത്സവത്തിൽ കാസർഗോഡും മലപ്പുറവും പാലക്കാടും 95 പോയിന്റുകൾ വീതം നേടി ഒന്നാം സ്ഥാനം പങ്കിട്ടു. സ്കൂളുകളിൽ, പാലക്കാട് ജില്ലയിലെ ആലത്തൂർ ബി. എസ്.

എസ് ഗുരുകുലം ഹയർസെക്കൻഡറി സ്കൂൾ 171 പോയിന്റുമായി ഒന്നാമതെത്തി. തിരുവനന്തപുരം വഴുതക്കാട് കാർമൽ ഹയർസെക്കൻഡറി സ്കൂൾ 116 പോയിന്റുമായി രണ്ടാം സ്ഥാനത്തെത്തി. 106 പോയിന്റുമായി മാനന്തവാടി എം. ജി. എം ഹയർ സെക്കണ്ടറി സ്കൂൾ മൂന്നാം സ്ഥാനത്തെത്തി. സമാപന സമ്മേളനം പ്രതിപക്ഷ നേതാവ് വി. ഡി. സതീശൻ ഉദ്ഘാടനം ചെയ്തു.

വെള്ളാപ്പള്ളിയെ പിന്തുണച്ച് കെ. സുരേന്ദ്രൻ; ലീഗിനെതിരെ രൂക്ഷവിമർശനം

പരാതികളില്ലാതെ കലോത്സവം വിജയകരമായി സംഘടിപ്പിച്ചതിന് വിദ്യാഭ്യാസ മന്ത്രിയെയും വകുപ്പിനെയും പ്രതിപക്ഷ നേതാവ് അഭിനന്ദിച്ചു. രാഷ്ട്രീയ കലർപ്പില്ലാതെ മേള നടത്താൻ കഴിഞ്ഞതിൽ സന്തോഷമുണ്ടെന്ന് അദ്ദേഹം പറഞ്ഞു. ലോകത്ത് മറ്റൊരിടത്തും സ്കൂൾ കലോത്സവം പോലൊരു പരിപാടി സംഘടിപ്പിക്കാനാവില്ലെന്നും കുട്ടികൾ നാടിന്റെ സമ്പത്താണെന്നും അദ്ദേഹം കൂട്ടിച്ചേർത്തു. ചലച്ചിത്ര താരങ്ങളായ ടൊവിനോ തോമസും ആസിഫ് അലിയും ചടങ്ങിൽ മുഖ്യാതിഥികളായിരുന്നു. എ ഗ്രേഡ് നേടുന്ന കുട്ടികൾക്ക് നൽകുന്ന സമ്മാനത്തുക 500 രൂപ വർധിപ്പിക്കുമെന്ന് ധനമന്ത്രി കെ. എൻ. ബാലഗോപാൽ പറഞ്ഞു. നിലവിൽ ആയിരം രൂപയാണ് നൽകുന്നത്.

തുക വർധിപ്പിക്കണമെന്ന് വിദ്യാഭ്യാസ മന്ത്രി ആവശ്യപ്പെട്ടിരുന്നതായും അദ്ദേഹം വ്യക്തമാക്കി. മന്ത്രി ജി. ആർ. അനിൽ കലോത്സവ സുവനീർ പ്രകാശനം ചെയ്തു. സ്വർണ്ണക്കപ്പ് രൂപകൽപ്പന ചെയ്ത ശില്പി ചിറയിൻകീഴ് ശ്രീകണ്ഠൻ നായർക്ക് വേദിയിൽ ആദരവ് നൽകി. സ്വർണ്ണക്കപ്പ് ഒരിക്കൽക്കൂടി തൊടണമെന്ന അദ്ദേഹത്തിന്റെ ആഗ്രഹപ്രകാരം വിദ്യാഭ്യാസ മന്ത്രി അദ്ദേഹത്തെ ക്ഷണിച്ചു.

Story Highlights: Thrissur wins the overall championship at the Kerala State School Youth Festival after 25 years.

ജാക്വിലിൻ ഫെർണാണ്ടസിന്റെ മാതാവ് കിം ഫെർണാണ്ടസ് അന്തരിച്ചു

കേരള സ്കൂൾ കലോത്സവം ഗിന്നസ് ബുക്കിലേക്ക്; മാനുവൽ പരിഷ്കരണത്തിന് ഉന്നതതല സമിതി